食玩飛常遊

播出日期:18/11/2019

上集介紹嘅叉燒雲吞撈咁正,今晚宵夜仲有乜嘢食先?

之前講過吉隆坡 Scott Garden 一帶有好多宵夜嘅美食,今日又搵多檔同你介紹吓!

呢檔好似好多嘢食喎,板麵係乜嘢嚟㗎呢?好!都係等我叫碗嚟試吓先!

原來板麵望落去就好似厚咗嘅雲吞皮,本嚟諗住成塊咁嘅樣都唔會好食,不過呢度嘅板麵入口有彈性,加埋炸蔥、魚仔、冬菇絲、肉片、同埋馬來西亞人叫嘅「薯仔菜」,配合濃厚嘅湯底,聞到都想食呀!

啱先服務員上枱嘅係呢個南洋薄餅,同一時間我亦都叫咗呢個芋頭糕喎!同香港過年食嘅芋頭糕唔同,呢度一嚿嚿嘅芋頭糕係蒸嘅,再加上醬汁,別有一番風味!

最後梗係要整多個糖水收尾啦!就叫個凍嘅腐竹薏米糖水先⋯ 嘩!咁好!加埋冰俾我添啊!又係豐富嘅一餐喇!

追蹤我們
公司殊榮
Copyright Claims
Copyright Claims