Z世代達人

播出日期:28/3/2018

最新嘅科技資料、潮流玩意,都有《Z世代達人》麥卓華到處搜羅送到你面前!
 
電子支票已經喺香港推出咗一段時間,不過現時喺商業交易上, 主流嘅支票交易都仲係以傳統紙本支票為主。原來電子支票已經推出咗超過兩年喇,但你又知唔知咩嘢係電子支票? 
 
好多人都有個誤解,以為電子支票就係用電腦打印機代替人手開立嘅紙本支票,但其實,呢類用電腦印嘅支票都只係傳統支票嚟,真正嘅電子支票,其實係一個加密咗嘅PDF檔,雖然你一樣可以印出來做存檔用,但係存入嘅方式就完全唔同,而列印出來嘅版本,亦唔可以喺銀行櫃面或者支票機存入呀!所以如果有人就咁「印」張電子支票俾你,而唔係電郵俾你,你就千萬唔好收呀!
 
咁如果你收到電子支票,又應該點樣存入呢? 其實,存入電子支票比一般嘅支票仲要方便,唔駛出門,只要你有一部手機或者電腦就可以。香港大部份嘅銀行都已經支援電子支票嘅存入,通常都可以在你嘅網上理財頁面搵到。登入網上理財之後,搵存入電子支票嘅項目,再按指示上載返張電子支票就可以,結算都會同正常支票一樣,要喺下一個工作天3點後先用到筆錢。
 
不過有啲朋友始終唔鐘意用網上理財,但係又收到張電子支票,咁又有無辦法呢? 原來除左各大銀行嘅網上理財可以存入電子支票外,金管局亦設有存入電子支票嘅服務。只要簡單開戶,及輸入銀行戶口號碼做登記,以後只要嚟到呢個頁面,就可以存入電子支票。唔只網頁版,連手機都一樣可以架!
 
電子支票存票服務 
https://www.echeque.hkicl.com.hk/
 
《Z世代達人》
主持:麥卓華

追蹤我們
公司殊榮
Copyright Claims
Copyright Claims