播出日期:18/4/2018
最新嘅科技資料、潮流玩意，都有《Z世代達人》麥卓華到處搜羅送到你面前！
今日帶大家來到新加坡其中一個大型商場，不過唔係行街，而係睇下呢D好似電話亭咁嘅「雲端自助K歌包廂」。K歌都可以話唱就唱，仲關雲端事？今日就帶大家去睇睇！
只要你好似我咁，見到無人用緊個包廂，就可以隨時行入去唱過夠本。唔好以為空間咁細就一家好迫呀，入面其實可以好舒服咁坐兩個人，兩邊仲分別有兩個耳機同埋兩支咪俾大家一展歌喉！坐好左就可以開始揀歌，電腦入面有齊唔同語言嘅歌， 跟住畫面就會提示你俾錢，你只需要用有 Paywave / Paypass 之類嘅信用卡，又或者ApplePay / GooglePay 就可以。俾咗錢，就正式可以唱歌喇！
每一個 K歌包廂都係自動運作，不過其實背後都有聯網，唱緊歌嘅時候佢會按音準計分，在網上比較當日在新加坡各大商場所錄得嘅分數。另外，叫得做雲瑞K歌，就當然唔只俾分咁簡單！原來只要用你手機嘅WeChat 應用程式對準螢光幕右上角既QR Code掃一掃，你就會自動用Wechat戶口登入左佢地嘅系統，有乜功能？ 原來每首你唱左嘅歌，佢都可以send番錄音去你嘅WeChat，一般K房都做唔到架！
《Z世代達人》
主持：麥卓華
