Z世代達人

播出日期:11/5/2018

最新嘅科技資料、潮流玩意,都有《Z世代達人》麥卓華到處搜羅送到你面前!
 
今時今日都市人拎住智能手機乜都影得一餐,有時要搵個免費嘅雲端空間儲存返D相都唔容易,因為通常免費嘅空間頂多都係得15GB。咁今日要介紹嘅呢個應用程式就幫到你喇。
 
所謂嘅就係呢個 Google Photos App。你可以喺iOS 嘅 App Store同Android 嘅 Google Play下載到。唔好以為佢只係幫你整理你嘅相片,其實你只要啟動呢個App,同埋做左相關嘅設定,佢就包你無限期嘅無限儲存空間。
 
以我手上呢部 iPhone為例,開咗個App之後,佢就會問你想唔想Sync返你部機現有嘅相同將來影嘅相上Google Photos。你只要開咗呢個設定,之後再揀High Quality,你就會有無限嘅儲存空間。留意,如果你一定要keep住D相嘅原size,Google就會逐張相同你計空間,但係其實佢地嘅High Quality相只是加左壓縮,最高可以去到1600萬像素,Video最高支援1080p全高清,一般手機都未必影到咁高質素嘅相同片,所以,對於一般用家來講,絕對問題不大!
 
另外,如果你手機唔夠位,記住唔好喺Google Photos 一張一張咁delete,因為咁樣會delete埋你喺雲端上面儲存咗嘅相。 其實你可以揀旁邊嘅選項「Free Up Space」,之後佢會問你一次,係唔係真係要Delete原相。如果你揀Delete,咁你張原相就會喺手機一般嘅相簿清除,但係喺Google Photos 呢張相就仍然會存在,不過就只顯示到個Thumbnail 細圖,要用呢張相做其他野,只要下載返就得架喇!
 
Google Photos 仲有D乜野功能?我哋下集再講!
 
《Z世代達人》
主持:麥卓華

追蹤我們
公司殊榮
Copyright Claims
Copyright Claims