播出日期:18/5/2018
最新嘅科技資料、潮流玩意，都有《Z世代達人》麥卓華到處搜羅送到你面前！
幻彩詠香江呢個遊客必睇嘅旅遊活動，其實已經有十幾年嘅歷史。一直以來，無論在燈光效果、配樂、以致介紹香港嘅方式，都有不同嘅進步。但原來近來呢個節目已經推出左專屬嘅流動應用程式，仲加埋時下最流行嘅AR元素添。
首先，只要下載呢個「幻彩詠香江」嘅流動應用程式，第一次使用，程式要下載大約80MB左右嘅資料，之後你就可以開始使用。
夜晚8點鐘，幻彩詠香江準時開始。要欣賞呢個節目，當然係用肉眼，配合音樂睇啦，講到音樂，如果你唔係在指定嘅地點，你都可以打開呢個流動應用程式入面嘅Live Sync功能，就可以聽到音樂架喇！ 咁究竟個AR功能點用？ 對於遊客來講，對岸嘅夜景係好靚，只要通過呢個應用程式既AR功能，呢個App就會指出唔同大廈嘅名稱，按入去仲有其他相關資料！ 對於第一次來香港嘅自由行朋友，係相當有用架！
《Z世代達人》
主持：麥卓華
