播出日期:27/6/2018
最新嘅科技資料、潮流玩意，都有《Z世代達人》麥卓華到處搜羅送到你面前！
每年6月尾都會喺新加坡舉行 ConnecTechAsia同CommunicAsia嘅展覽，亦都係科技業界既年度盛事。
今年度嘅展覽，主題都離唔開5G流動網絡同埋智能生活及城市等等，參展商來自世界唔同嘅地區，包括新加坡、英國、歐盟地區、中國內地，而來自香港嘅PCCW亦都以PCCWGlobal品牌參與呢次展覽，展示咗新一代嘅數據及影像傳送、以及流動付款等等嘅先進技術。
喺通訊品牌華為嘅攤位入面、大家就更加可以體驗到科技及人工智能點樣可以進一步融入我哋嘅生活喇。通過新一代嘅快速網絡，以後學生就可以安坐家中上堂，除咗可以睇到高清嘅教學畫面外，有關嘅資料更加可以透過電子黑板帶到學生嘅畫面上面，更加可以加入互動同埋個人化嘅功能，以後就冇藉口返學遲到啦！
喺同一個攤位入面，我哋亦都可以睇到通過網絡同埋大數據分析以智能去管理城市、甚至係管理機場！睇下呢個模擬實景嘅機場控制系統，可以全方位管理同機場有關嘅複雜數據同運作，都做到頭頭是道㗎！
《Z世代達人》
主持：麥卓華
