Z世代達人

播出日期:24/8/2018

Wifi上網對於今時今日嘅香港家庭同埋辦公室來講應該都可以叫做必需品,除咗條寬頻線快唔快之外,其實用乜嘢Router對於成個Wifi嘅體驗都好緊要架!你仲用緊單機Router? 對自己好D,不如考慮下用Mesh Wifi啦!
 
Mesh Wifi,亦即係分佈式路由器,意思就係可以在你屋企或者辦公室唔同嘅地方放置2個或者以上嘅裝置,再通過Mesh Wifi嘅連結,令到我地可以用同一個Wifi名覆蓋更大嘅範圍。市面上呢類型嘅Mesh Wifi系統有平有貴,不過相比起年幾兩年前岩岩推出嘅時候,選擇同埋價錢都多咗同埋合理咗好多。咁有咁多唔同牌子嘅產品,我哋今日就不如來個測試啦!
 
今日我哋分別搵嚟咗 TP-Link Deco、華碩 Lyra、Linksys Velop同埋 Netgear Orbi做測試。首先就當然要試下設定嘅介面同方法啦!4款產品嘅設定方式大致可以分為兩種,除咗 Orbi 要分開主機同副機之外,其餘三款都唔需要分主副機架。在設定上,呢三款嘅Mesh系統都會要求你開啟手機嘅籃芽功能,方便在設定時搵到部裝置,而Orbi就較為唔同,設定時要用手機去掃瞄個QR Code之後再做相關嘅設定。不過4個牌子嘅設定都算簡單,但我自己就較為鐘意唔分主副機嘅設計,當其中一隻裝置有問題嘅時候,我都仲可以用另外一、兩隻裝置去重新設定,或者買定多部做後備都方便D啦!
 
跟住做個測速先,呢個測速我揀咗個在兩台Mesh 裝置中間進行,而駁住嘅網絡就係一條300MB下載、100MB上載嘅寬頻。下載方面,其實4個牌子嘅表現都算唔錯,除左Deco以299mbps 差少少先過到300mbps 外, Velop、Orbi同Lyra都可以過到300mbps。到上載喇,在測試過程中,我地見到Orbi一開始明顯上載會由慢加速,其他3個牌子就一直保持均速,但點都好,最後見到個成續,Velop、Orbi同Deco 都有107mbps,但Lyra上載就差少少先到100mbps。以呢次嘅測速睇來, Orbi 同Velop 在上下載嘅速度上都稍為優勝。
 
呢兩個回合,暫時Linksys Velop領先!不過下一集我哋會走入地獄死角位,情況又會係點?下集再講!
 
《Z世代達人》
麥卓華

追蹤我們
公司殊榮
Copyright Claims
Copyright Claims