播出日期:28/12/2018
自助付款近年開始在香港流行，萬寧近期就推出咗另類嘅自助付款服務喎。點玩法？ 今日就一齊去試下？
有別於一般嘅自助付款服務，今次萬寧推出嘅自助付款係要用你自己嘅手機，一邊行，一邊掃。首先，你要打開WeChat微信下載指定嘅萬寧小程式。下載完成之後，就要搵呢個店舖碼掃描一次，就可以開始行街買嘢喇。
當你見到想買嘅產品、你可以順手用你部手機掃描一次件貨嘅條碼，如果唔只買一件，你可以選擇件數，之後揀埋其他想買嘅貨品，買完可以揀下面完成選項、就會有個俾錢用嘅QR Code，連埋你要買嘅貨去Counter或者自助付款櫃位俾錢就可以喇！
不過可能呢個服務都係起步階段，現時只支援最多掃描20件產品、亦唔可以在App入面俾埋錢、因為一樣要排隊埋Counter，職員亦都要數一下你嘅貨品、所以時間其實慳唔到好多、不過都始終係一個好嘅嘗試！
《Z世代達人》
麥卓華
