Z世代達人

播出日期:13/3/2019

近年無論係手機定係電腦平台,都突然興起 Night Mode夜間操作模式,即係平時通常係白底黑字嘅畫面,會隨着夜間模式嘅開啟,變成黑底白字,令到睇落去更舒服。

Facebook Messenger呢個手機應用程式,正常唔會有夜間模式呢個設定,不過我就發現咗原來只要知道秘密通道,一樣可以開啟呢個模式個喎!即刻同大家睇吓。

首先你可以選擇其中一個有Chat開嘅聯絡人,之後按一按聯絡人嘅頭像,進入簡介之後,見到表情符號一欄,按下去你就會見到好多唔同嘅選擇。好似我咁揀返月亮。之後再喺同一個聯絡人嘅訊息頁面輸入月亮,就會有一大堆月亮從天而降,之後畫面就會提示你發現左夜間模式,再去設定,就會見到多咗夜間模式開關選擇。只要喺呢度開返,之後就搞掂晒!係唔係好簡單呢?

希望你鐘意我今次嘅介紹!記得Subscribe我哋 MeeeepMore嘅Facebook專頁同Youtube頻道,同埋Alfred Mak 嘅Facebook專頁!今集講住咁多先,再見!

Z世代達人
麥卓華

追蹤我們
公司殊榮
Copyright Claims
Copyright Claims