播出日期:25/3/2019

芒果糯米飯就食得多喇，咁芒果糯米飯味嘅雪糕你又食過未呢？

依家去邊度旅行都話要試地道小食，遠離遊客區。好啦，既然係咁今日就帶大家去到新加坡嘅組屋樓下食下地道雪糕啦！

新加坡嘅市民近年興起食完飯要食特色雪糕，我嘅新加坡朋友就帶咗我嚟你間Geometry試吓呢度嘅自製雪糕同甜品喎。呢間雪糕店唔算大，加埋有20個位左右，不過佈置簡約舒適，你大可以輕輕鬆鬆享受呢度嘅甜品。

睇吓個雪糕櫃先，入邊全部係呢間舖頭嘅自製口味雪糕，除咗有大路嘅抺茶、開心果、士多啤梨等等嘅口味之外，佢哋仲自己研發左無花果、黑芝麻、伯爵茶、同埋我覺得最特別嘅芒果糯米飯口味！我就揀咗呢個口味配合比利時夾餅做今晚嘅飯後甜品喇，試吓先，真係食到芒果溝糯米飯嗰種特別嘅味道喎！

呢度附近雖然唔近捷運站，不過你都可以乘搭以下嘅巴士路線嚟到。

希望你鐘意我今次嘅介紹！記得Subscribe我哋 MeeeepMore嘅Facebook專頁同Youtube頻道，同埋Alfred Mak 嘅Facebook專頁！今集講住咁多先，再見！  

其他集數

新加坡麥當勞限時 椰漿飯漢堡 + 珍多冰麥旋風！

正宗娘惹菜食過未？馬來西亞美食地圖

帶你食馬來西亞正宗椰漿飯

播放中

帶你食芒果糯米飯雪糕

[比用銀聯更平] 一App在手 日本購物額外7%折扣！

帶你食日本大阪滿瀉吞拿魚壽司！

澳洲悉尼自由行 點少得睇煙花呢？

吉隆坡美食 朱古力High Tea 你試過未？