播出日期:12/4/2019
小米於早前推出咗Airdots 青春版藍牙耳機，以港幣$249一
嘅超平價錢開賣，不過一直都賣斷市。不過新一批Airdots已經陸續到貨，今日就等我同大家做個開箱！
Airdots秉承一貫小米產品嘅包裝，開箱之後見到耳機充電盒同埋一對Airdots藍牙耳機，另外就跟咗一條Micro-USB充電線同埋兩對唔同大細嘅耳機套。
今次我就試吓將佢連接我部 Iphone Xs Max。首先就當然要幫Airdots充電啦！充滿電之後，打開充電盒，之後同時將兩隻耳機拎出來，未被配對嘅耳機白燈就會快速閃住，呢個時候、只要在部開咗藍牙嘅Iphone入面嘅藍牙選項，搵番Airdots進行配對，咁就搞掂晒！
好喇，試下聲先！我大約試咗半個鐘左右，無論聽歌定睇劇、暫時都唔覺有左右耳唔同步嘅情況。另外，官方就表示，Airdots在充滿電嘅情況下可以用到最多4小時、而根據我嘅經驗，大約用咗兩個幾鐘、都未有出現低電量嘅情況。以平價藍牙耳機來講，絕對合格喇。
接聽電話亦都好方便個喎。當電話響起，想聽就點一下耳機，如果唔想聽，你亦都可以連續點兩下已經拒絕來電，唔使下下攞部電話出嚟，司機大佬就方便好多啦！
![小米 Airdots 青春版 藍牙耳機 [2019] - 香港開箱！](https://i1.ytimg.com/vi/zcx64SFBwGg/mqdefault.jpg)
