播出日期:31/5/2019

上集同大家介紹過華碩喺 Computex 期間發佈嘅 Zenbook Pro Duo 同埋 VivoBook，今日就同大家介紹下香港品牌AVITA喺展覽期間發佈嘅新產品。

AVITA 雖然係一個較新嘅電腦品牌，但係一直都走喺時代尖端，產品都以設計特別同埋時尚見稱。今年佢哋再接再厲，推出 Admiror 系列嘅筆電。呢個系列採用金屬物料製造，加埋奪目嘅顏色，俾人煥然一新嘅感覺。1.29公斤機身最厚嘅部份都只係得18mm，以一部14寸 Mon 嘅筆電嚟講，都算係相當輕巧。

螢幕方面喺發佈會上面見到嘅係全高清嘅版本，不過官方就表示未來將會推出4K嘅觸控螢幕版本。可能為咗慳位嘅緣故，兩個 Type C 插頭放咗喺接口位嘅兩邊，而且兩個 Type C 位都支援PD 2.0 快速充電，既慳位又方便。

而另一個亮點就係呢個特大嘅 Touch Pad，唔使就住就住㩒，對於無用 Mouse 嘅朋友嚟講就更加容易操作喇。硬件方面，Admiror 配備咗第八代 Intel 嘅 i5 或者 i7 處理器，8GB DDR4 Ram 同埋 256GB 起嘅 SSD。

雖然冇獨立顯示咭，不過以呢個硬件規格日常文書處理、上網睇片、甚至簡單嘅畫圖同埋剪片都應該應付有餘。

除咗電腦硬件之外，場內亦都有台灣最大電訊商中華電信嘅 5G 展區，最特別嘅就係喺攤位入邊設立咗 5G 發射站，等我試吓用呢部 5G 手機做個測速先.... 嘩，速度可以去到每秒 1 GB 下載，而且時延比 4G 低成倍有多，可想而知用落有幾爽。

配合5G嘅推出，中華電信仲展示咗唔同嘅5G應用，好似呢個電子汽車識別系統咁，透過5G低時延同埋快速嘅優勢，接通背後嘅資料庫作即時識別之用，相信當 5G 技術成熟嘅時候，更多生活化嘅應用就會同時推出。

《Z世代達人》
麥卓華

其他集數

話你知 iphone 超好用隱藏功能2019！ iphone XS iphone XI

[2019] 教你點兌 滙豐獎賞錢 到 亞洲萬里通 Asiamiles 最著數！多做一個動作，多25%里數！ (附完整教學)

碳纖維 G-SHOCK Gravity Master GWR-B1000 開箱 + 功能一手試！

播放中

Computex 2019 中華電信 5G / Avita 全新 Admiror 筆電 上手玩！

Computex2019 台北直擊！華碩 Asus Zenbook ProDuo 大細 Mon 筆電上手玩！

Apple iPhone CarPlay 好唔好用？

防不勝防！開乜 App 去邊食飯樣樣都有紀錄？ 教你即 Check 自己有乜資料被 Google 收集了！

用朋友電腦登入自己Gmail 點先可以保障私隱？