播出日期:9/12/2019
好多人以為市集個個都一樣喎，其實都係吓你點玩嘅啫！想搵好嘢食呀，跟我嚟啦！
今日就同你介紹澳洲塔斯曼尼亞首府荷巴特市嘅週末市集。呢個市集一啲都唔講得笑喎，由 1972 年到今時今日，每個星期六嘅早上到下晝 3 點舉行，風雨不改。市集入邊主要以澳洲土產同埋手工製作為主，不過對於我嚟講，仲有啲乜嘢吸引得過嘢食呢？
噫，啲蛋撻同埋朱古力撻好似好正咁喎！
買嘢..... Hello, can I have a piece of Baked Chocolate? Yea! How much is it? Five! 佢找錢我即刻要拎出嚟睇吓先...... 你介唔介意我食一啖先呀...... 錢唔重要呀，嘢食先重要呀...... 嚟喎...... 正唔正呀？好食！
梗係好食啦，老闆話啲蛋撻同埋朱古力撻都係新鮮焗架！賣完就冇㗎喇。呢頭食緊個朱古力撻，我個鼻又聞到好香嘅味道...... 原來係煎緊腸仔喎！
Garlic & Herbs (蒜蓉香草）嘅豬肉腸啦！我有散子喇終於，唔知係唔係有人唔食洋蔥㗎呢，個個買佢都問 要唔要洋蔥...... 7個幾.... 40蚊個，市集一啲都唔平，不過得意。落醬先....落得好核突！我又要食嘢喇，咁樣未拍晒就已經好飽喇喎，40 蚊抵番晒，條腸好好食，啲蒜擁倒出嚟，可惜鏡頭就俾唔到啲味你，不過真係好正！
仲唔 Cut 呀，乜嘢醜態都你影晒喇！
好多朋友都問呢啲一塊塊係乜嘢嚟，如果有朋友去過澳洲塔斯曼尼亞行過 Salamanca，都會送塊呢啲俾你，呢個呢，就係一啲果乾，咁但係佢又唔係乾晒嘅，即係好似糖咁樣，我手上有芒果味、有黑加侖子味、呢個就熱情果加芒果啦，食呢就咁打開張保鮮紙，咬就係㗎喇，應該就好食嘅，不過我驚甜，我一間試吓先。
呢個市集真係乜都有㗎，我就最鍾意呢幾個菜檔喇，你睇吓，啲蔬菜又新鮮，種類又多，最緊要係直接喺農場收割完之後，就運到嚟呢度賣，別有一番風味㗎！行吓行吓，做乜又排長龍嘅？原來係買呢個市集著名嘅帶子批！
快啲去食！......我就叫咗個帶子批，同埋一個 Sausage Roll，因為雞批無晒喇，帶子批呢，傳說就話成個 Tasmania 最好食就係呢間，係唔係呢，宜家真係要試吓......等我切開嚟睇吓先，皮薄料多，仲要熱辣辣，裏面嘅帶子大大粒，咖喱味又唔算太濃喎，唔怪之得咁多人都話好食啦！
呢個市集在喺荷巴特市中心海旁，淨係開星期六，3 點前就收檔，計劃行程嘅時候就要留意時間喇！
