生活部落格

播出日期:28/1/2021

今年因為疫情關係,大家辦年貨時都未必想周圍去,咁不如一站式搞掂佢啦!講緊嘅就係連續 7 年榮獲 Famous Brands Hong Kong 香港著名品牌 嘅 東源號!佢哋經驗豐富,品質有保證。東源號由火鍋、氣炸鍋食材、烘焙同埋甜品素材,以至素食等等都應有盡有。除咗實體店之外,佢哋仲有網店,方便大家足不出戶就可以買到各款食材。

東源號今年推出嘅賀年食品有唔少款式,等我哋由傳統嘅年糕睇起!平時食得最多嘅蘿蔔糕同芋頭糕,佢哋喺入面加咗瑤柱同埋臘味,非常滋味。另外椰汁紅年糕同埋馬蹄糕望落去都好足料。至於另外兩款外貌咁得意咁靚嘅,就係鯉魚同埋元寶年糕,意頭好之餘,食落味道仲一流㗎!

除咗傳統年糕之外,東源號都有唔少特色年糕,任君選擇。包括紅糖薑棗年糕、紅豆年糕、桂花椰汁紅豆年糕、同埋三色年糕等等。每款都各有特色,適合唔同人嘅口味。

新年食完年糕之後,又點少得一啲可口小食?東源號都有為大家準備咗一包包嘅脆角仔、笑口棗、脆麻花、同埋牛耳等等,方便大家同親戚朋友一路傾計,一路享受小食。東源號都好細心,知道大家可能喺新年會食得比較多肥膩嘢,所以推出咗桂花、玫瑰花、蝶豆花同埋洛神花幾款花茶,等大家可以沖一杯俾自己同客人,幫助消膩。

由今日起到 2021 年 2 月 10 日,凡親臨佢哋大角咀店購物滿 HKD$300 就可以有 95 折,滿 HKD$500 就可以有 9 折。如果去佢哋網店消費滿額,仲可以有免費送貨服務,詳情可以上佢哋 Facebook 或者官網參考。

https://www.tungyuenho.com
https://www.facebook.com/TungYuenHoCoLtd

追蹤我們
公司殊榮
Copyright Claims
Copyright Claims