播出日期:10/2/2021
因為疫情關係，今年大家都應該會少咗拜年。派利是呢個傳統係代表住幸運，遙距用電子錢包派利是相信今年就會大行其道喇！我哋一齊睇吓！
我就揀咗八達通今年推出嘅電子錢包派利是做個示範。你只需要登入八達通App，之後揀番下面牛年行好運，派利是嘅選項，嚟到呢一頁，就可以揀用QRCode即場派利是、定係要遙距Send封利是俾親友！
不如等我試咗QRCode即場派利是先啦！你可以自訂利是嘅銀碼同埋數量，噫，其實未必要整數喎，等我搞搞新意思，整封$38先！揀好晒，寫句賀年祝福，再揀個貼圖或者用自己嘅相都OK！之後就搞掂！ 跟住Show個QRCode俾親友，佢哋一嘟就可以收到利是！
用呢個方法派利是，對方一定要用八達通錢包。等我試下收封先！ 用八達通錢包一嘟就會即刻出現你頭先封利是，㩒入去，就睇到你嘅祝福，當然，銀碼都一樣見到啦！ 如果你頭先輸入左唔同嘅銀碼，仲可以搞下氣氛睇下邊個嘟到大銀碼！收到嘅錢除咗可以放返入八達通錢包入邊之外，亦可以揀即刻嘟返落張八達通卡度用，同現金無分別！
遙距派利是嘅方法就反而傳統得多喇，你只需要揀返「發送俾親友」，之後輸入銀碼、寫祝福同埋揀貼圖，再揀埋要send俾邊個，跟住就可以透過即時通訊軟件發出呢封利是！對方即時收到連結，跟住一樣可以透過八達通app睇到你封利是㗎！
如果唔知對方有冇用指定嘅電子錢包，其實好多派利是嘅功能都可以透過轉數快去完成。以中國銀行嘅電子錢包為例，你只要登入中國銀行嘅手機應用程式，揀「Phone利是」，之後可以選擇親友嘅電話號碼再透過轉數快發出呢筆款項，同時你亦都可以用即時通訊軟件話俾親友知利是已經到帳！非常方便㗎！
新春期間透過八達通、中銀同埋好多電子錢包派利是仲有唔同嘅優惠以及抽獎活動，好似八達通咁，派20封利是、總額超過$300港幣，就已經可以有$38 E-利是回贈，派完利是又有錢收番，仲可以減少實體現金嘅接觸，今年又點可以唔試吓派電子利是呢？
其他集數
Nokia 8.3 5G 開箱評測 | 蔡司四鏡頭拍攝4K 60fps H-Log影片 | Counterpoint最獲信任Android手機第一名
Logitech MX Anywhere 3 最強辦公室滑鼠Mouse 開箱評測！玻璃枱床面梳化一樣用到
Mi 小米手錶運動版開箱評測 特強續航力 追蹤過百種運動功能 輕鬆監測即時身心狀況
2021電子利是大流行？派完有得現金回贈 即教你點派最著數
小米11 Mi11 國際版現身！三鏡頭配 5G 旗艦機
thecoopidea Beans無線耳機開箱評測！ Beans Air Beans Pro 2 Beans Cargo 02 型格又實用 總有款啱你！
POCO X3 NFC 評測 | 睇片影相打機樣樣精通
Samsung Galaxy A32 5G手機 | 二千價位配置 5G 四鏡頭 5,000mAh 電量
