Z世代達人

播出日期:9/4/2021

Nokia 喺 2021 年 4 月 8 日嘅晚上舉行咗發佈會,宣佈推出一共 6 部新嘅智能電話,包括 5G 機 X-series、中階機 G-series,同埋入門機 C-series,等我哋一齊睇下!

Nokia 新推出嘅兩部 5G X-series 電話分別係 Nokia X20 同埋 Nokia X10,呢兩部機配置差唔多,最大嘅分別就係前後鏡頭。佢哋都採用 6.67 吋FHD+ 開孔屏幕,配備高通 Snapdragon 480 處理器,有支援 18W 充電嘅4,470mAh 電池,運行 Android 11 系統,支援雙卡雙待、NFC、同臉部辨識解鎖等等功能。Nokia X20 嘅蔡司四鏡頭由 6400 萬像素主鏡頭、500 萬像素超廣角鏡頭、200 萬像素微距及景深鏡頭組成,前置鏡頭就有3200 萬像素。而 Nokia X10 嘅分別就係將 X20 嘅 6400 萬像素主鏡頭換成 4800 萬像素,同前置鏡頭變成 800 萬像素。佢哋都提供 3 年作業系統及安全性更新,大大提升電話耐用度。

至於以中階機定位推出市場嘅 Nokia G-series,就有 Nokia G20 同 Nokia G10。佢哋同樣配備 6.5 吋 HD+ 水滴屏幕,有 5050mAh 嘅電池,同埋可以用作指紋辨識解鎖嘅電源鍵,運行 Android 11 系統。Nokia G20 配置聯發科 Helio G35 處理器,而 G10 就使用 Helio G25 處理器。鏡頭上,兩部機同樣有 800 萬像素前置鏡頭,而 Nokia G20 後置鏡頭就由 4800 萬像素主鏡頭、500 萬像素超廣角鏡頭、200 萬像素微距及景深鏡頭組成。Nokia G10 就由 1300 萬像素主鏡頭、200 萬像素微距及景深鏡頭組成。佢哋都擁有 3 年安全性更新,同 2 年作業系統更新。

最後嚟到入門機嘅 C-series,呢兩部分別係 Nokia C20 同埋 Nokia C10。佢哋都採用 6.5 吋 HD+ 水滴屏幕,前後鏡頭皆為 500 萬像素,運行Android 11 Go Edition,但係都支援臉部辨識解鎖,而最特別嘅,就係內置可拆式 3000mAh 電池,microSD 記憶卡槽同埋 3.5mm 耳機插頭。佢哋嘅分別在於 Nokia C20 採用 Unisoc SC9863a 處理器,而 Nokia C10 採用Unisoc SC7331e 處理器。同樣,佢哋都擁有2年安全性更新。

頭先介紹呢 6 部機,將會喺未來陸續推出市場,至於香港嘅發售詳情,就有待官方公佈。

追蹤我們
公司殊榮
Copyright Claims
Copyright Claims