生活部落格

播出日期:13/7/2021

網站 : https://www.newtimesdesign.com.hk
Facebook : https://www.facebook.com/NewTimesDesignEngineering

我哋對裝修自己嘅屋企都一定會有好多諗法,但係點樣將呢啲諗法實行,就要靠一間經驗豐富、用心為客人做到最好嘅室內設計及裝修公司喇!

正如呢個位於白石角嘉熙嘅中層單位,業主希望喺大廳放一個神壇,負責室內設計嘅新時代設計工程就好巧妙咁,將神壇融入設計當中

「其實客人最主要交個單位俾我哋,主要係俾我哋自由發揮居多,但只有一個要求,就係神位。因為業主比較著重風水,或者係一啲先人嘅擺放位置。所以我哋亦都俾咗好多參考嘅意見,搜集呢啲資料比較居多。最後我哋發覺以一個神櫃,後面做咗一個圓形滲光嘅形式,可以突顯到神像嘅效果,咁位置就同一般紅底金字,或者呢啲傳統形式,就會有別。呢個就可以令到會新穎啲,但係不失一個風水要求嘅格局。」時代設計工程 設計顧問劉小姐,講解設計理念。

「呢個單位實用面積597呎,有三間房、一個廁所同一個廚房,整體裝修風格偏向柔和,充滿溫暖嘅感覺。其實我哋嘅風格係著重喺一啲仔細位。譬如我哋有時做嘅疏口位位置,去做一啲鏡位,因為弧形效果嘅鏡係做唔到,我哋就改變咗用鏡鋼嘅形式,去做呢一個效果表現出嚟。其實好似柔和,酒店嘅風格,離不開有呢啲木嘅元素,視乎顏色深淺,同埋一啲立體嘅質感做出嚟。

因為其實好多時,設計上可能做咗玻璃層版,就俾客人去擺放一啲物品,或者可能去做活動。但係可能有時忽略到,有時可能做射燈,可能啲光源唔夠,或者散光度都會唔夠。當我哋就會喺每一塊玻璃層版,再加入燈帶效果,形成到時擺咗一啲擺設之後,亦都可以有個光源直接射到陳列品。」

設計師喺房間設計上都落足心機,好似主人房咁,設計師特意喺床頭旁邊加入電掣插頭,做到好似酒店房咁方便,而且床尾亦配合房間嘅線條設計,微微向內凹入,喺人體工學上嚟講,人坐低咗之後對腳會自然向後彎曲,呢個設計就可以令間房嘅主人坐得舒舒服服啦。

新時代設計工程有超過30年經驗,憑住出色設計眼光同良好工程質素,獲得眾多客戶信任。如果大家想了解更多,就可以根據畫面上嘅聯絡方法搵佢哋喇!

追蹤我們
公司殊榮
Copyright Claims
Copyright Claims