播出日期:15/7/2021
Honor 榮耀 喺早前就推出咗 Honor Band 6 呢款高性價比智能穿戴裝置，今日就同大家做個開箱睇下！
榮耀 Honor Band 6 採用咗 1.47 吋嘅 AMOLED 觸控屏幕，比起上一代嘅 0.95 吋屏幕大咗接近一半，睇落更加舒服。佢嘅機身左側印上咗 Honor 嘅標誌，右側上面就設有主按鍵。而呢隻錶戴上手後嘅感覺非常輕巧同舒服，長時間配戴絕對唔會係問題。
喺健康功能方面，佢擁有 TruSeen™4.0 技術，支援全天候心率監測，如果用家佩戴時心率出現過高或過低嘅情況，佢就會發出通知提醒用家注意。佢仲有採用TruSleep™ 2.0技術嘅睡眠監測，可以透過追蹤用家每日嘅睡眠狀態，提供各類數據，令用家可以更加了解自己嘅睡眠狀況。另外，佢亦都支援血氧飽和度同壓力指數檢測，如果用家係女性，仲可以用埋佢嘅月經週期追蹤器功能添！認真全面！
Honor Band 6 喺運動方面亦都有唔錯嘅表現喎！佢支援10種主流鍛煉模式，包括室內外跑步、踩單車、游水等等，期間佢會為用家實時顯示心率、記錄覆蓋距離同卡路里消耗等，令用家可以清楚了解自己嘅健身進度。用家亦可以喺Android或IOS嘅手機入面下載Huawei Health App，跟住喺App入面將手錶連結，就可以進行詳細設定、更換錶面設計，同睇到更加詳細嘅健康資訊、運動記錄等等。
呢款智能手錶使用磁吸式充電，官方就話喺滿電嘅情況下正常使用，可以有14日嘅續航力，所以就算長期戴住都唔使怕！
Honor Band 6喺香港已經正式上市發售，售價為HKD$329，有隕石黑、海鷗灰同埋珊瑚粉3隻顏色選擇。
其他集數
Huawei華為 P50 | 全新萬象雙圓環後置三攝設計 預載鴻蒙OS 2.0系統
Nokia C30 大螢幕入門手機 | 6.82 吋 HD+水滴大螢幕 6000mAh 3日續航大電量
Nokia XR20 三防5G手機 | 軍規防護認證 IP68 防塵防水 耐用度極高
Honor Band 6 開箱評測 | Watch ES 同門師兄弟 屏幕比上代再大一半 極長續航力都只係幾百蚊?
Honor Watch ES 開箱評測 | 高性價比智能手錶 $600都唔駛 健身課程變動畫 跟住做冇難度
黑鯊4 5G 開箱評測 | 小米電競手機 加入實體 L/R 鍵 抵玩過 ASUS ROG Phone?
Amazfit GTS2 Mini 開箱評測 | 媲美Apple Watch內建功能 體積更小 更高性價比 ?
全港首試 AlipayHK x Sino 消費券體驗館 | 熱門打卡推介 即試電子消費券 登記獲取更豐富優惠
