播出日期:8/10/2021
人嘅生命係有時限嘅，當遇到親人離世嘅時候，每個人都一定會好慌亂，好難冷靜處理親人嘅身後事。今日會同大家介紹嘅，就係喺呢個時候，為家屬提供所有支援嘅—鋒盛殯儀。
我同拍檔李生想開一間殯儀公司，一間全香港最公道，最有口碑嘅殯儀公司。
我地希望我地嘅服務係所有香港人都負擔得到殮葬費。我地最基本嘅服務係$7980，係一條龍嘅服務，希望可以幫到低層、低收入嘅家庭。因為我地相信好多低收入家庭，佢地平均一個月嘅收入係連一萬都唔夠，所以我地希望開一間價錢公道嘅公司可以幫到香港人。
殯儀行業喺香港一直都係較為保守嘅行業，因為中華傳統偏向避開討論白事，認為係一件唔吉利嘅事。鋒盛殯儀就希望從自身開始改變呢個大眾感覺，佢地嘅收費同服務內容都一律公開。喺盡力令家屬可以負擔嘅同時，鋒盛喺服務上都非常盡責，所有嘅服務內容和埋流程都係網站上清楚列明。
咁我地點解會擺曬啲價錢、啲項目係網上呢？因為好多家屬喺網上睇到我地、或者係其他人嘅轉介，佢地未聯絡我地之前就可以預先對我地有一個理解，知道殮葬包括左咩，到我地出黎見面嘅時候，我地解釋就可以更加方便、更加快捷，都可以令家屬更安心委託我地進行先人嘅身後事。
因為明白到普羅大眾都唔太了解殯儀服務，鋒盛會面對面，好有耐心咁同家屬解釋整套流程，而且都好歡迎家屬將整個對話過程錄音，等佢地事後都可以再聽返，務求家屬能夠清楚理解。
點解要有個錄音嘅服務呢，因為家人係先人過身後，情緒已經係好大嘅變化，同埋係一個好悲傷嘅心情，同埋殯儀呢樣野係佢地完全唔認識嘅。如果我地唔比佢地錄音嘅話，我講完嘅內容佢地轉頭就會忘記了。比佢地錄音，佢地之後就可以聽返，我解釋嘅事情，果啲殯儀服務同埋收費。佢可以返去重溫，都可以比佢地冇黎現場聽到嘅家人聽返，都係我地公司對家人、對先人承諾嘅保證。
我地設立左一個顧客評價，我地希望每個完成禮嘅家人可以留個言比我地，比啲意見我地，等我地可以改善我地嘅殯儀服務。我都會叫佢地按真實情況留言就可以，唔需要做任何添加。希望更加多人認識我地公司，同埋希望幫到更多有需要嘅人。
