Z世代達人

播出日期:25/11/2021

Nokia 喺香港將會推出 Nokia T20 平板電腦! 今次嘅賣點絕對係性價比極高,少少嘅價錢就買到好大嘅享受。想知佢有幾勁?等我而家同大家介紹下啦!

Nokia T20 作為 HMD Global 喺香港推出嘅第一款平板電腦,迎合咗普羅大眾最需要、最睇重嘅功能: 包括係高清螢幕、高音質同埋高電量。

先介紹螢幕方面啦:Nokia T20 配備左 10.36 吋 2K 解析度嘅螢幕,係目前同級產品中最大嘅。內部配備 Unisoc Tiger T610 處理器、4GB 記憶體與 64GB 儲存容量,唔夠容量都可以透過 MicroSD 記憶卡最大擴充到 512GB。跟住就要提到佢嘅音響:佢擁有 Nokia 自家研發嘅立體揚聲器,提供 360 度立體聲音訊,在有噪音環境中突出重點聲音並排除干擾,打造沉浸式聽覺體驗。聲音畫面都咁舒服,係邊度睇 Youtube 或者睇 Disney+ 都冇問題啦!

之後就係大家都好關心嘅電量問題,Nokia T20 配置 8200mAh 嘅大容量電池,相對市面上同級產品高出 25% 電量,官方數據可連續播放 10 個鐘頭影片或者進行 7 個鐘頭嘅視像通話。就算真係急起上黎都唔洗怕,T20 同時支援 15W 快充,可以喺緊急時侯用最短時間迅速幫你叉足電量,咁無論工作或娛樂都得心應手啦。

外觀都係 T20 吸引嘅地方黎架,全新的 Nokia T20 採用同 Nokia 手機相同嘅設計理念,帶黎簡約純粹嘅北歐式風格,每個細節、邊緣位同表面光度都經過精心設計。配合堅固嘅金屬機身結構同埋拋光嘅 3D 屏幕外框,將大屏幕完美地貼合在纖薄嘅金屬機身上,真係又好睇又實用阿。

最後等我地睇下官方定價啦,Nokia T20 採用海藍色機身,配置 4GB RAM + 64GB 內存空間,配有 WiFi 版或 WiFi+LTE 兩個版本。Wi-Fi 版本嘅建議零售價係港幣 $1,898;預計於11月26日公開發售。而 WiFi+LTE 版本嘅建議零售價係港幣 $2,398;同樣都喺11月26日就會發售架啦。

追蹤我們
公司殊榮
Copyright Claims
Copyright Claims