Z世代達人

播出日期:6/7/2022

Samsung 近年推出咗唔少高階配置手機,廣受青睞,而佢哋都唔係單單照顧高階手機嘅市場,早前推出嘅 Samsung Galaxy A53 5G 又唔知可唔可以係中階手機打出一片天呢?

Samsung Galaxy A53 5G 今次有四隻顏色可以選擇,分別係天空藍、綿花白、型格黑、蜜桃粉,而今次就拎到蜜桃粉嚟同大家開箱。

一打開個盒,就會見到Samsung galaxy A53嘅主機,TypeC 充電線、説明書,同埋SIM卡針。
Samsung galaxy A53 摸上手相當有質感,機背相機位接駁位有特別處理,令手機同相機位融埋一體,大大增加手機嘅美感。
機身下方嘅位置就係SIM卡插口,今次支Samsung Galaxy A53 5G 除咗支援5G上網之外,同時最高支援1TB 外置SD卡,如果唔想用SD卡嘅朋友仔亦可以換成雙SIM卡咁用,一個插糟,兩種用法,相當方便。
依家就先同大家試下佢嘅網速先啦,下載速度達到232Mbps,唔錯唔錯!

Samsung Galaxy A53 5G 今次用翻自家製 5nm八核處理器,相比上一代A52,不論係畫面嘅處理定速度都有住唔少嘅提升。

畫面方面,Samsung Galaxy A53 5G 用上 6.5吋 無邊際Infinity-O FHD+ Super AMOLED 屏幕,加上細少嘅前置相機孔,可以稱上真正嘅全屏幕手機。
加上纖薄嘅霧面邊框設計,令A53都做到屏幕大,機身簿,重量都只不過係189g,就算拎住幾耐都唔會攰啦。

音響方面,Samsung Galaxy A53 5G 配備咗 Dolby Atmos全景聲喇叭,令你係無論係打機定睇片都高級嘅享受。

拍攝方面,Samsung Galaxy A53 5G 用咗四鏡頭嘅設計,分別有 6400萬像素嘅主鏡頭、1,200 萬像素超廣角鏡頭、500 萬像素景深鏡頭 同 500 萬像素微距鏡頭, 加上 手機內置AI Image Enhancer,令相片嘅質素大幅提升,依家就同大家試下啦!依兩張分別係景深1同7嘅比較,背景嘅模糊度可以作出手動嘅調較。而微距鏡頭下,可以見到好細小嘅毛都可以睇得一清二楚,相當唔錯。另外相機仲有提供Fun mode,定時會更新唔同嘅濾鏡,無聊嘅時候仲可以同朋友玩下,解悶之餘又搞笑。至於係影片模式下,仲會自動追蹤主角,咁就唔怕主角郁緊嘅時候,鏡頭唔係佢身上啦!

另外 Samsung Galaxy A53 5G 擁有5,000mAh 嘅電量,支援25W快速充電。而抗水防塵級別亦達到IP67,官方聲稱即使手機跌到淡水中1米水深,30分鐘內仍然能夠正常使用,保護性相當不錯!

今次Samsung Galaxy A53 5G 嘅 8GB + 256GB 香港版本官方定價為港幣 $3998。

如果想搵部平平地,影相同時不錯嘅手機,Samsung Galaxy A53 5G 絕對值得考慮喎!

追蹤我們
公司殊榮
Copyright Claims
Copyright Claims