播出日期:21/7/2023
又黎到Z世代達人嘅時間啦~ Nothing呢間近年興起嘅初創企業，近日推出咗Nothing Phone 2呢部電話，今日就同大家一齊睇睇呢部電話帶咗啲咩野驚喜比我地啦~
今次嘅Nothing Phone 2同以往一樣，都係採用咗一次性包裝設計
首先睇睇個外形，Nothing Phone 2同以往第一代都相差不大，機背都係採用咗透視設計，可以睇到電話入邊嘅各種零件，但今次Nothing Phone 2會相比第一代只有四組嘅Glyph LED燈條，增加到十組。
當中六組嘅Glyph燈條，就會喺機背中央組成一個不規則嘅圓形，比人有一種未來高科技嘅感覺，帶出街真係幾搶鏡~
講到Nothing電話系列，就不得不提Glyph LED燈光嘅各種應用
今次Glyph介面亦都增加咗唔小嘅新功能，其中Glyph Progress呢個新功能就係配合外賣或者Uber等，需要顯示進度嘅APP而設計。
Nothing Phone 2機背嗰六組圓形燈條，可以顯示即時嘅進度，例如你Call既Uber幾時會到等等。
但Glyph Progress呢個功能暫時就只係支援Uber呢個APP，大家可以其待未來會陸續有APP加入去呢個功能到。
除左Glyph Progress，今次Glyph介面亦都加入咗「個人化Glyph 燈效」，大家可以錄制最多10秒嘅Glyph 燈效，之後就可以套用到SMS，手機鈴聲等地方，甚至指定聯絡人有唔同嘅燈效亦都可以做到，真係好神奇架~
到咗屏幕方面，Nothing Phone 2設有6.7吋LTPO OLED屏幕，最高支援120Hz嘅刷新率
而Nothing Phone 2嘅處理核心就採用咗Snapdragon 8+ Gen 1處理器，及Adreno 730 圖像處理晶片
上一代嘅Nothing Phone 1效能表現未如理想，究竟Nothing Phone 2會唔會有所突破呢? 現在即刻為大家用跑分軟件試試，Nothing Phone 2會有幾多分先~
跑出黎嘅分數，相當唔錯啵，等我又試下用Nothing Phone 2黎上網、睇片同埋打機先~
首先喺上網方面，Nothing Phone 2一下就Load哂網頁嘅資料出黎，而且滑動網頁嘅時候，亦都好流暢。
好啦，到咗睇片方面，睇Youtube片當然就無問題啦，就算跳去某一個時間點到，一樣都咁順暢
而播帶有走馬燈嘅新聞影片同樣都無問題，影片下方嘅走馬燈亦都唔會有疾格嘅情況出現。
到咗打機方面啦，喺遊戲畫質設定為「高」嘅情況下，喺原野地圖行走嘅FPS都好穩定，有時只會有輕微疾機嘅情況出現
當到咗畫面運算比較複雜嘅戰鬥畫面，亦都難唔到Nothing Phone 2，FPS一樣都好穩定。
最後就到咗相機方面，Nothing Phone 2設有兩組都係5,000 萬像素嘅主鏡頭及超廣角鏡頭，同時亦都配搭咗旗鑑級嘅IMX890感光元件，最後就會有3200萬像素嘅前置鏡頭。
現在就為大家試試Nothing Phone 2影相效果啦~
主鏡頭方面，Nothing Phone 2影出黎嘅相效果都非常唔錯，無論係細節保留度，相片嘅顏色處理等都有唔錯嘅表現
同時Nothing Phone 2影黎嘅相，味精味亦都唔會太重，顏色會比較偏自然。
到咗夜拍方面，Nothing Phone 2有IMX890感光元件加持下，表現當然就非常好，成張相片嘅光度都好足，細節保留度亦都好高，雜訊處理並都有唔錯嘅表現，同時唔會有油畫化嘅情況出現。
等我又試埋超廣鏡頭比大家睇睇~
Nothing Phone 2設有深灰色及白色兩種顏色，會提供12GB RAM + 256GB ROM 及 12GB RAM + 512 ROM兩個版本，價錢會係HKD , 5499及HKD , 6299
希望您鍾意我今次嘅介紹啊，記得Subscript meeeepmore嘅Facebook專頁，同Youtube頻道。同埋Alfred Mak嘅Facebook專頁，今集講住咁多先，ByeBye~
其他集數
【Samsung Galaxy Z Series 搶先初體驗】公開展出Galaxy Z Fold5 & Galaxy Z Flip5 丨雙軌結構鉸位丨 Galaxy Z Series 限定夏日體驗館
【Reno10 Pro+評測】令人嘆為觀止的遠攝鏡頭 丨媲美旗鑑機的攝影能力 丨高CP值中階電話 丨Reno 10 系列 丨OPPO Reno 10 Pro+ 5G
【Samsung發佈會懶人包】三分鍾極速懶人包 丨三大搶眼升級 丨最新水滴型鉸鏈技術 丨Samung Galaxy Z Flip 5 Galaxy Z Fold 5
【Nothing Phone 2 評測】科技感爆棚 丨外觀性能兩兼顧 丨Glyph LED 燈 丨Nothing Phone系列 丨Nothing Phone 2
【Honor 90評測】最強影相中階機 丨兩億像素主鏡頭 丨超高CP值電話丨德國萊茵TUV無屏閃認證 丨Honor 90
【VIVO Y78評測】高CP值中階手機 丨學生手機首選 丨6400萬像素相機鏡頭 丨OIS光學防手震功能 丨 VIVO Y78 5G
【VIVO Y36評測】高CP值中階手機丨性能價錢兩兼顧丨5000萬像素鏡頭 丨VIVO Y系列 丨 VIVO Y36 5G
【小米Pad6評測】高性價比平板電腦 丨學生平板電腦首選 丨小米平板系列丨 小米Pad6 Xiaomi pad 6
