Z世代達人

播出日期:21/3/2018

最新嘅科技資料、潮流玩意,都有《Z世代達人》麥卓華到處搜羅送到你面前!

好似我呢D鐘意睇報紙同雜誌既人,以前日日都要去報攤或者便利店買想睇既報紙同雜誌,要睇外國雜誌,就更加唔容易搵到喇。但今時今日,一個App加一部平板,就可以即時睇晒唔同國家地區各大報紙雜誌喇。

今日要介紹既就係Press Reader流動應用程式,你可以在App Store同埋Google Play搵到。正如之前所講,呢個程式一經登記同俾月費,就可以睇晒入面所有來自世界唔同地方既報紙雜誌喇。不過今時今日既香港人,新聞資訊都靠其他媒體同社交網絡拎到,點會成日睇報紙呢? 原來唔駛俾月費,一樣有機會用到呢個應用程式架! 只要你出門旅行選搭國泰或者國泰港龍航空,登入佢地既手機應用程式,當可以開始做網上check in時,旁邊就會有個Press Reader既Logo,按入去,佢就會跳到Press Reader應用程式,你就可以在未來24小時隨意下載報紙雜誌上機慢慢睇喇! 如果你好似我咁,係馬可孛羅會會員,仲可以有最長成個星期時間慢慢揀慢慢下載! 下載了的刊物,你就永久擁有,就算過左時限都一樣睇到架!

講番呢個程式,入到去,你可以按國家地區、語言又或者種類去搵你想睇既刊物。Press Reader呢個應用程式除左可以在你既手提裝置上用之外,原來有D現代化既圖書館一樣有免費提供俾入場既讀者使用。好似呢個新加坡既圖書館 Library@Orchard,在門口就已經提供左多部平板使用Press Reader喇。

《Z世代達人》
主持:麥卓華

追蹤我們
公司殊榮
Copyright Claims
Copyright Claims