Z世代達人

播出日期:11/4/2018

最新嘅科技資料、潮流玩意,都有《Z世代達人》麥卓華到處搜羅送到你面前!
 
台北呢間FamilyMart 全家便利店係新一代既智能概念店,入面好多功能同服務都係全新設計架!
 
一行到入舖頭,就會見到一個機械人店員,唔好以為佢淨係識得打招呼,佢可以解答你簡單問題、同時亦會同你推介最新店內嘅推廣!
 
另外亦有賣鞋專區,便利店店員唔多,而且通常一身兼數職,所以一般都唔會得閒同客人介紹商品同查詢存貨。呢個貨架上面嘅鞋其實全部都係樣板,你想知多D每件貨嘅介紹同埋有無存貨有無碼有無顏色揀之類,只要嘟一嘟掛在鞋上面既NFC牌,就會即時Show晒出來。睇啱又有碼,仲可以用專用既App去嘟個QR Code就可以落單俾錢!
 
呢間舖仲有個特別地方,就係唔再需要用人手去換價錢牌,因為佢地透過內聯網,就可以更新貨格上既E Ink價錢牌。你或者覺得之前已經見過電子價錢牌,但呢間便利店用既係最新既E Ink技術,唔單只個價錢,連埋件貨名同埋QR Code都可以出埋,特價貨仲支援顏色顯示,清楚方便快捷,仲大大節省人力資源!
 
講到成間舖最吸引,就一定係識沖咖啡嘅機械人喇。除左美式咖啡,佢仲識沖Latte架!
 
雖然呢間係概念店,將來未必會在每一間分店採用。但見到客人又買又玩咁開心,相信好快呢D技術就會普及同大家見面喇!
 
《Z世代達人》
主持:麥卓華

追蹤我們
公司殊榮
Copyright Claims
Copyright Claims