Z世代達人

播出日期:20/7/2018

最新嘅科技資料、潮流玩意,都有《Z世代達人》麥卓華到處搜羅送到你面前!
 
HKT旗下嘅Tap&Go喺香港書展期間推出咗佢哋嘅虛擬商店,主打以即Scan QRCode、免排隊、免費送貨同埋精選優惠價。
 
呢間Virtual Store其實係由兩個大型LED屏幕組成,虛擬貨架上收錄咗大約30款產品,喺每款產品旁邊,都展示左相關嘅QR code。如果睇啱想買嘅貨品,只需要用你手機入邊任何一個QR Code Reader掃一掃,有關嗰件產品嘅資料就會顯示係你手機上面,之後就好似平時喺網上買嘢咁選擇件數,就可以確定購買喇。
 
跟住就要選擇係送貨定係現場取貨,輸入聯絡資料、送貨地址,確認後就會出現 Tap&Go嘅付款畫面。付款後就會收到確認電郵,叫我15分鐘後就可以去指定嘅攤位拎貨啦,當然你都可以選擇佢哋嘅免費送貨服務㗎啦!
 
雖然係好方便,不過相信今次都係試驗性質,所以售賣嘅商品唔多,當中都仲有唔少地方可以改善,好似QRCode嘅顯示質素,同埋畫面嘅穩定性等等。不過今次嘅虛擬店對於將來嘅展覽會就起到示範嘅作用喇。
 
講開 Tapn&Go,我順便提提大家,其實你可以好似我咁起Tap&Go手機應用程式入面買書展門票,咁就唔使特登去一次便利店或者即場排隊買飛,一個QR Code就可以入場啦!
 
《Z世代達人》
主持:麥卓華

追蹤我們
公司殊榮
Copyright Claims
Copyright Claims