Z世代達人

播出日期:21/9/2018

今時今日嘅智能手機都會有鬧鐘嘅功能,但總會有懶瞓豬就咁停咗個鬧鐘又瞓過,最後搞到遲大到。如果你有呢類問題,今日介紹嘅呢個手機應用程式就幫到你。
 
講緊嘅就係「Alarmy」呢個App喇。你可以在 App Store同埋 Google Play 下載到呢個手機應用程式。打開應用程式,其實介面同我地手機平時用開嘅鬧鐘介面差唔多,但係就可以設定好多唔同嘅關閉鬧鐘方式,保證你做完一定已經醒晒!
 
搖晃模式下,你可以設定要求嘅搖晃次數同埋力度,之後當鬧鐘響起嘅時候,你就要搖到咁多下先可以停到個鬧鐘喇。數學模式顧名思義就係要你解答岩晒佢問嘅數學題先停到個鬧鐘,難度仲可以自己設定架!
 
不過講到我最鐘意,都係呢個影相模式喇。你可以首先影定唔同嘅物品,之後當鬧鐘響嘅時候,佢會顯示番你揀咗那張相出來,你要影番一張差唔多嘅相,個鬧鐘先會停!唔好以為我講笑,我專登影張錯嘅相,佢會識別到而唔會停架! 
 
《Z世代達人》
麥卓華

追蹤我們
公司殊榮
Copyright Claims
Copyright Claims