Z世代達人

播出日期:13/2/2019

微軟嘅Surface系列平板一直叫好又叫座,不過俾人嘅感覺走高階路線,Budget少啲都唔好諗。2018年微軟推出咗走大眾市場嘅Surface Go系列,而近期在香港更加加推咗內置4G上網嘅 Surface Go LTE版,今日我就同大家一齊開箱試下呢部新機!
 
今次我手上嘅係Surface Go LTE 版,配備8GB Ram同埋128GB 硬碟。我同時間都有配番原廠嘅Surface Go Keyboard,一來可以當保護套用,二來一部行Windows嘅電腦無實體Keyboard唔知點咁。
 
好,打開個包裝睇睇先… 除咗Surface Go 部主機之外,亦有一包簡介連SIM卡針,同埋一盒充電火牛,唔算太多花巧嘢,抵讚!睇下部機嘅真身,部機左面係SIM卡嘅插槽,底部係連接Surface自家Keyboard嘅感謝位,右面見到係Surface嘅充電插頭,一個都可用來充電嘅USB-C插頭,同埋3.5mm 耳機插,頂部就係電源同埋音量掣。除咗前置嘅500萬像素鏡頭外,機背有個800萬像素嘅相機,底部就可以調較唔同角度方便使用上嘅需要。
 
用Sim卡針拮開卡槽,就可以放入Nano-SIM卡,方便之後上網。另外,我拆埋個 Type Cover,好簡單就可以裝埋上去部Surface Go上面,拎上手部機連Type Cover都好輕,有拎住本厚筆記簿嘅感覺。
 
好喇,打開電源試下部機先,首先就係做Windows簡單嘅首次設定,頭先都有提過,呢部機可以用USB-C充電,我就試下唔用原裝嘅叉電頭,用Type-C來充部機,一樣得架!不過留意,如果你打算一邊用部機一邊用USB-C充電,最好就用支援Power Delivery (PD) 嘅火牛來充,如果唔係,可能要充好耐式者未必記得起部機!
好喇,設定完,睇下部機先。呢部機因為係入門級,所以跟機就用咗 Microsoft Windows 10家用版嘅S模式。乜嘢係S模式? 原來在S模式下,除咗Microsoft Store嘅APP之外,其他APP係裝唔到嘅。唔信? 就試下裝Chrome… 睇下!唔俾呀!不過佢會有個選項俾你轉番做正常嘅Windows 10,在Microsoft Store入面,你會見到「切換離開安全模式」,你只要確認切換,部機就會開始安裝番必要嘅檔案,幾分鐘之後再去睇睇,部機已經行緊正常嘅Windows 10 家用版喇!嗱… 裝到Chrome喇!
另外,由於呢部機係LTE版,在平時嘅Wifi連線選項頂部,會見到多咗個行動數據嘅顯示。以後在街就唔再要開Wifi Hotspot或者搵免費Wifi,都可以隨時隨地上網啦!
 
Z世代達人
麥卓華

追蹤我們
公司殊榮
Copyright Claims
Copyright Claims