播出日期:1/4/2019

 
來到吉隆坡，點可以唔搵地道美食椰漿飯來吃呢？

根據馬來西亞嘅旅遊局所講，椰漿飯係「貨真價實」嘅國民美食，不過要搵到又抵食又好食嘅椰漿飯又談何容易呢？來到馬來西亞自由行，就等我搵個本地食家帶我去食最地道嘅椰漿飯啦！
 
來到呢間 Village Park Restaurant，一睇就知好食！點解，除咗在門口有一張又一張嘅介紹報導之外，就算拍攝時已經過咗午飯嘅繁忙時間，但係成間舖都坐滿本地嘅食客，連門口位都唔放過，大家都係食緊椰漿飯，再睇下工作人員忙過不停，不斷製作一碟又一碟嘅椰漿飯，就知呢度有幾好食同受歡迎啦！
 
睇下呢碟椰漿飯先，賣相就夠晒吸引喇。正宗椰漿飯入面嘅飯帶有斑蘭葉同埋椰漿嘅香味，配合辣度適中嘅參巴醬，仲有青瓜、花生、小魚干同埋熟蛋，加埋呢度最有名嘅炸雞，趁熱食，就最正喇。講番呢度啲炸雞，佢哋控制時間真係岩岩好，雞肉食落口香脆多汁，表面仲有大量炸香咗嘅香料，我就鍾意連埋所有配料、參巴醬混在飯入面一齊放落口，我唔客氣喇！
 
有美食，又點少得飲品呢？來到吉隆坡，就當然要叫番杯地道咖啡啦！我就叫咗杯白咖啡嘆下，咁其實同一般咖啡有乜嘢唔同呢？原來白咖啡嘅咖啡豆係用低溫烘焙，保留咗咖啡嘅香味但又唔會有因為高溫導致嘅苦澀味，所以飲落好就更香，亦無一般咖啡咁苦喇。

希望你鐘意我今次嘅介紹！記得Subscribe我哋 MeeeepMore嘅Facebook專頁同Youtube頻道，同埋Alfred Mak 嘅Facebook專頁！今集講住咁多先，再見！  
 

其他集數

澳洲昆士蘭 Fraser Island 點解海水可以咁乾淨？

新加坡麥當勞限時 椰漿飯漢堡 + 珍多冰麥旋風！

正宗娘惹菜食過未？馬來西亞美食地圖

播放中

帶你食馬來西亞正宗椰漿飯

帶你食芒果糯米飯雪糕

[比用銀聯更平] 一App在手 日本購物額外7%折扣！

帶你食日本大阪滿瀉吞拿魚壽司！

澳洲悉尼自由行 點少得睇煙花呢？