播出日期:5/6/2019

Casio 嘅 G-Shock 系列一直以型同耐用見稱，近年貴價款亦都不斷創新，最近就推出咗今年全新嘅 Gravity Master  GWR-B1000 系列，有乜功能呢？今日就同大家做個開箱呀！

呢隻 Gravity Master 嘅錶圈同埋錶帶採用碳纖維製成，而按鈕、按鈕管同埋零部件就採用鈦合金，令呢款為飛行人士而設嘅手錶堅固又輕巧。碳纖維除咗輕之外，其實睇落去都非常高貴，唔只錶面呀，你睇吓錶底亦都採用咗全新嘅設計，俾人煥然一新嘅感覺。成隻錶只有 72 克重，相比其他同系列嘅功能錶嚟講絕對係相當之輕，不過戴上手嘅手就一流喇。錶面喺黑嘅地方會有螢光嘅夜光，不過亦都可以按前面嘅大掣發出白色嘅 LED 光以便睇時間。

雖然呢隻 Gravity Master 無電子顯示，不過功能方面就一樣唔少。只要打開 G-shock Connected 應用程式，加入新嘅手錶，再按著指定嘅按鈕 2.5 秒左右，就可開始同你嘅手機做配對。睇下！配對好之後，手機就馬上可以為手錶調較番正確嘅時間埋時區。

當手錶同埋你嘅 iPhone 或者 Android 手機配對咗之後，你可以隨時長按一按呢粒掣，就可以紀錄低你當時嘅位置、日期同埋時間，之後你可以隨時翻查自己紀錄過嘅地方、甚至可以砌出你嘅飛行路線架。

好多人都鐘意飛行錶上面嘅複雜設計、但係錶上面大大小小嘅細錶盤就唔知有乜用喇。原來呢隻錶嘅下方細錶盤可以用做兩地時區顯示，只要用同一個應用程式，設定你想顯示嘅第二時區地方就可以！除咗飛行人員方便之外、其實我地去有時區差別嘅地方旅行同埋公幹都一樣用得著架！

另外，呢隻錶仲有反向搵電話嘅功能。只要長按隻錶呢粒掣3-4秒，就會啟動尋找手機嘅功能，只要部機唔係喺太遠，收到訊號之後電話會發出聲響提示，方便搵番部電話。

《Z世代達人》
麥卓華

其他集數

唔駛Root機！3分鐘搞掂！一部 iPhone 同時行兩個 WhatsApp 終極版

話你知 iphone 超好用隱藏功能2019！ iphone XS iphone XI

[2019] 教你點兌 滙豐獎賞錢 到 亞洲萬里通 Asiamiles 最著數！多做一個動作，多25%里數！ (附完整教學)

播放中

碳纖維 G-SHOCK Gravity Master GWR-B1000 開箱 + 功能一手試！

Computex 2019 中華電信 5G / Avita 全新 Admiror 筆電 上手玩！

Computex2019 台北直擊！華碩 Asus Zenbook ProDuo 大細 Mon 筆電上手玩！

Apple iPhone CarPlay 好唔好用？

防不勝防！開乜 App 去邊食飯樣樣都有紀錄？ 教你即 Check 自己有乜資料被 Google 收集了！