食玩飛常遊

播出日期:17/6/2019

來到新加坡,一定要搵個地道嘅小販市場食下。今次就同大家來到呢個交通方便嘅Newton熟食市場,一齊搵好嘢食啦!

好多朋友都有來過呢度,不過有時又真係花多眼亂,唔知搵邊間叫乜嘢食好。我個人就推介呢間53號檔嘅「元記海鮮」喇!呢度當然最出名就係咖哩蟹啦!在熟食市場食,大約一隻都係30-50蚊坡紙,好少會同你用重量計,大家叫嘅時候就記得問清楚價錢喇! 

終於有得食喇!等齊晒嘢。我自己本身就好鍾意食辣,不過今日咁岩就有朋友唔食辣,所以我就叫咗呢個魔鬼魚呢將最辣嘅森巴醬放埋了一邊,咁大家都有得食。不過我自己本身唔多食蟹,但又想食辣椒蟹嘅汁咁點算呢?單點辣椒蟹汁,再加饅頭,好食!我諗我今晚實飽死…

俾個近鏡大家睇下啦! 呢度叫嘅嘢食都係即叫即炒,所以色香味俱全!眼利嘅觀眾可能已發現,點解檯面多咗碟雞翼?無錯,每次來到我都會去另一檔叫「忠邦發」嘅舖頭買幾隻雞翼。點解咁好食? 因為佢地唔係煎亦唔係炸,係用炭慢慢燒,所以皮脆肉香,食落口肉汁會唧出來,真係食過翻尋味架!

要來呢度好簡單,你可以搭捷運紅線或者籃線在Newton站落車,之後搵B出口 - Newton Food Centre,上咗地面之後,好似我咁跟住瓦遮頭嘅行人路行2-3分鐘,過埋天橋就到!由於天橋都已經裝咗新嘅瓦遮頭,所以宜家去Newton,落雨都可以唔駛開遮架!

追蹤我們
公司殊榮
Copyright Claims
Copyright Claims