MeeeepMore Z世代達人 - 小米Airdots 基本版港幣$150來襲！詳細開箱測試附小米Airdots青春版比較

Z世代達人

播出日期:19/8/2019
之前同大家介紹過性價比超高嘅小米 Airdots 青春版，近嚟香港小米就引入咗喺內地叫紅米 Airdots 嘅小米 Airdots 超值版，價位仲要只係百五蚊左右，究竟用落又得唔得呢？ 今日就同大家做個開箱！
 
呢隻小米 Airdots 基本版以黑色設計，包裝入面除咗有 Airdots 之外，就只有多兩對唔同大細嘅耳套，方便耳窿比較大或者比較細嘅用戶更換。對比青春版同埋超值版，最大嘅分別除咗超值版用咗黑色嘅設計之外，外型大致都係差唔多，不過超值版充電盒就無青春版咁圓滑喇。插入 Micro USB 充電嘅時候，充電盒會顯示紅燈，表示充電中。小米方面就表示，耳機喺正常操作之下，單次可以用到4個鐘頭左右，而配合充電盒使用，一共就可以為耳機提供額外兩次，亦都即係一共有12個鐘頭嘅電量。
 
睇埋隻耳機本身喇，外型雖然同青春版差唔多，不過睇真啲，原來比青春版仲細隻少少，官網亦都表示基本版比青春版輕 0.1克，不過戴上耳仔其實分別就唔大。反而最大嘅分別，就係青春版以觸控操作，但係基本版就保留實體鍵。雖然好似無咁High咁，但係其實實體鍵反而就無咁容易唔小心撳到，操作上好似仲好用咗！
 
試下做個配對先。我今次就試下同 iPhone 做配對。首先打開手機嘅籃芽功能，之後打開充電盒，拎右面嘅耳機出嚟，白色嘅閃燈喺度閃嘅時候，就喺手機配對番呢隻 AirDots，之後再拎埋左面嘅耳機出來，唔駛一陣，就搞掂晒成個配對嘅程序喇！同青春版唔同，基本版唔會有人聲提示開機同埋配對嘅狀況，反而用咗音樂嚟分別，不過對整體使用就無乜影響。
 
可能你會以為呢對平一百蚊嘅耳機音質就會將貨就價，但係試落兩款耳機嘅音質都唔算太差，亦都無好大嘅分別，睇番網頁嘅介紹亦都相若。我用基本版睇咗兩個鐘劇集，中間冇斷過線，亦都無明顯嘅唔對咀情況。總括嚟講，呢對 Airdots 基本版可謂喜出望外，唔駛百五蚊港幣嘅價錢，絕對稱得上係高性價比嘅產品！
 
《Z世代達人》
麥卓華

其他集數
保證優先買 iPhone 11 ! 3HK 優先寶幫到你！
GlocalMe G4 Pocket Wifi 全球通用！一機包埋地圖+翻譯 ！
Payme 2.0 乜銀行都玩得！
播放中
小米Airdots 基本版 港幣$150來襲！ 詳細開箱測試 附小米Airdots青春版比較
Samsung Note 10 + 開箱初體驗！S-Pen可以咁樣玩？
Samsung Galaxy Note10 Note10+ 3分鐘睇晒 S-Pen 再次進化
買咗自動扣錢 App？一分鐘教你取消+檢查 Cancel App Store/Google Play Subscription
CASIO G-SHOCK MudMaster GG-B100 開箱

追蹤我們

公司殊榮