Z世代達人

播出日期:12/10/2021

真無線耳機嘅熱潮已經卷席全世界,幾乎係人人配備嘅產品,Jabra喺10月6號就開叼產品發佈會,宣佈佢地係香港推出嘅三款新產品:Elite 7 Pro、Elite 7 Acitve 同埋 Elite 3 ,建立全新Elite真無線耳機系列。今日就同大家一一睇下佢地有咩特別啦。

首先介紹係今次嘅重頭戲,旗艦級嘅Jabra Elite 7 Pro。而家除左聽歌之外,好多人會使用真無線耳機黎講電話,通話清唔清晰就好重要啦。
Elite 7 Pro 用左創新嘅Jabra MultiSensor Voice 技術,結合埋骨傳導感應器、內置六組麥克風同Jabra智能嘅演算法,即使喺再嘈雜嘅環境都可以清晰通話啦。

「喂喂,下次約飲茶咯!」

另外,Elite 7 Pro 更加有可調節嘅主動降噪(ANC),用家可以控制環境聲音嘅收聽量,創造出一個沉浸式嘅聽音樂體驗,無論係聽歌定係講電話都係最高級嘅體驗。

電池續項方面都唔差架,開啟主動降噪模式嘅時候可以持續播放8個鐘,配合充電盒可以用到30小時,加埋快速充電功能:充5分鐘就可以用到1.2個鐘,滿足曬生活上嘅需求。

跟住就係今次最新嘅運動款式,Jabra Elite 7 Active,Active同樣支援 Jabra MultiSensor Voice 技術,內置咗四組為通話而設的麥克風,另外仲有兩組麥克風用喺個性化耳機同埋主動降噪(ANC)上。Active特別在於使用左液態矽膠以及無耳翼設計,加上 ShakeGrip 塗層,做運動果陣唔需要擔心耳機會跌出黎,超級穩陣。自帶嘅麥克風罩可以消除對話中的風聲,同時提升聲音表現,講電話聽歌都冇問題啦。

最後係已經喺9月1號開始發售嘅Jabra Elite 3,Jabra留意到市場上音質出眾嘅入門價格耳機選擇唔多,運用自身多年經驗研發出性價比甚高嘅 Jabra Elite 3。Elite 3耳機配備六毫米嘅喇叭、一流嘅音樂均衡器,提供左出色嘅噪音格離效果。電池續航上,本身係7小時電池續航力,配合充電盒可以去到28小時架!即使Elite 3作為入門款耳機,仍然可以帶比用戶極好嘅聲音體驗。

Elite 7 Pro將會係10月15號正式發售,官方建議零售價係港幣$1,899;Elite 7 Active會喺10月下旬上市,官方建議零售價係港幣$1,599;而Elite 3已經係9月1日正式發售,官方建議零售價係港幣$699。

追蹤我們
公司殊榮
Copyright Claims
Copyright Claims