Z世代達人

播出日期:21/9/2021

以前如果要寄掛號信或者包裹,一定要喺辦公時間去郵局,不過郵局而家就推出左「智郵寄」呢個服務,究竟點樣可以自助寄掛號信呢?今日就同大家試吓。
 
呢一個「智郵寄」服務本身分咗兩部份,一邊係呢個輕觸式屏幕,另一邊就有個磅,要做呢樣嘢,其實好簡單!

首先我哋㩒「寄件」,跟住就將我準備嘅信,放喺另一邊嘅磅上面,跟住畫面上面就見到重量,㩒「確認」,跟住揀返郵件尺寸,今日我呢個就係小型信封,跟住揀返要投寄嘅類別,今日我呢風即係小型信封,「設追蹤服務」,即係我哋日常講嘅掛號信啦,最後報埋價 $17.5,確認埋相關嘅郵遞資料正確,跟住就可以輸入寄件者同埋收件人嘅資料,對一對,跟住做埋付款,呢部機收八達通、轉數快、支付寶、微信支付、同埋BoCPay!我就揀支付寶香港,掃一掃個QRCode,入埋密碼,搞掂!

「智郵寄」呢個時間就會列印出相關嘅郵資標籤,同埋掛號嘅標貼。根據指示貼返喺信封上,確認之後,收件櫃桶就可以打開,放落去就搞掂晒!用同一個方法既包裹一樣得個喎!

如果唔想嘥時間喺呢度㩒收件人同寄件人嘅資料,其實亦都可以通過香港郵政嘅手機應用程式先行輸入,寄件就更加快啦!

香港郵政將會陸續起唔同嘅地點推出呢個「智郵寄」Kiosk,暫時就係以下嘅地方可以率先用倒!

追蹤我們
公司殊榮
Copyright Claims
Copyright Claims