Z世代達人

播出日期:8/12/2022

又嚟到Z世代達人嘅時間喇!近年每個人對手機影相功能嘅要求愈嚟愈多,愈嚟愈苛刻,要影得清之餘,又要對焦快,最好仲要有埋AI教埋你點影!咁不如睇下依部主打首部2億主鏡頭嘅Xiaomi 12T Pro 啱唔啱你心水?

 

Xiaomi 12T Pro 作為一部主打攝影嘅手機,相機配置絕對唔可能馬虎,以2億像素廣角主鏡頭、800 萬像素超廣角鏡頭、200 萬像素微距鏡頭組成嘅三鏡頭設計,加上小米自家研發的嘅先進 AI 演算法,令到相片嘅解像度、夜攝功能、同對焦功能都有顯著嘅上升。而且Xiaomi 12TPro 嘅 ProCut 提供咗智能裁剪嘅功能,會自動分析相片入邊嘅人物同背景,裁剪出最合適的照片比例同構圖。講咁多不如直接影幾張睇下啦!

 

Xiaomi 12T Pro 雖然主打手機嘅攝影功能,但佢嘅基本配置絕對對得住佢旗艦級手機嘅名號。今次嘅屏幕就用上6.67吋 CrystalRes AMOLED DotDisplay 螢幕,最高支援120Hz屏幕更新率,搭載最強的 SnapdragonTM 8+ Gen 1處理器,無論係中央處理器定圖形處理器嘅性能,都比上一代都有住顯著嘅提升,再加上散熱板嘅面積同覆蓋範圍擴大,提升用戶體驗嘅同時,降低耗電功率,令用家唔使擔心有過熱嘅問題出現!

 

Xiaomi 12T Pro 扭擁有 5,000mAh 嘅大電池,加上120W HyperCharge 快充技術,只需要19分鐘就可以到100%,再加上AdaptiveCharge 功能會幫用戶分析日常嘅充電習慣,有效咁維持電池健康,令到手機就算用耐咗,啲電都唔會好似倒水咁倒,眨下眼無晒!

 

今次 Xiaomi 12T Pro 有黑色、銀色、藍色,三隻顏色可以選擇。但就只有 12+256GB 一個版本可以購買,而官方售價就賣緊港幣$4,799。如果你都想Upgarde下手機嘅影相功能,Xiaomi12T Pro絕對值得你考慮下㗎!希望你鐘意我今次嘅介紹啦,記得subscribe我哋MEeeepmore嘅Facbook 專頁同YouTube 頻道,同Alfred Mak嘅Facebook專頁喎!今集講住咁多先啦,ByeBye~

 

追蹤我們
公司殊榮
Copyright Claims
Copyright Claims