播出日期:30/1/2023
又黎到Z世代達人嘅時間啦~ 為左保護自己嘅愛機，相信唔少人都會為手機加裝各類屏幕貼，但除左屏幕貼之外，其實手機屏幕本身嘅強度都好重要架！你哋又有無諗過有一部手機，可以咁樣，同埋咁樣呢？ 個Mon竟然硬到可以拎黎碎合桃？碎完之後屏幕都仲係完好無缺？（發佈會手機碎合桃畫面）近日Honor榮耀就新推出左主打高性價比同高強度屏幕嘅 Honor X9a，今日就等我地一齊去睇下啦～
首先一打開箱就會見到手機嘅主體，一個電話殼、一條充電線，同埋一個充電器。今次Honor X9a嘅外型主打未來科技風格，主屏幕採用左6.67吋嘅雙曲面Mon，至於點解Honor X9a嘅屏幕會咁硬？係因為佢嘅屏幕採用左足足0.65mm厚嘅深度強化玻璃。唔好話碎合桃啊，官方資料顯示Honor X9a仲通過左鋼球，甚至係大理石撞擊嘅硬度測試添。你地可能會問:「Alfed，呢部手機有強化玻璃仲要咁厚，咁會唔會好重啊?」絕對唔會啊，Honor X9a嘅重量只有175g，以智能手機黎講可以話係相當之輕巧方便啊！機背嘅鏡頭用左Honor標誌性嘅環狀設計同中央對稱風格，材質亦都採用左磨砂材質，簡潔美觀又不失設計感，拎起上手唔跣手之餘，仲好輕添。手機嘅整體大細啱啱好，配合7.9mm嘅超簿機身，真係簿到同一個5蚊銀差唔多。所以係好適合唔同手型大小嘅人士方便咁單手操作，打字、煲劇都完全無問題～
Honor X9a嘅屏幕功能亦都非常齊全，配備左120Hz更新率，令到成個屏幕顯示更加絲滑流暢。相信亦都有唔少人夜晚上左床，熄哂燈之後都會有碌陣手機先訓嘅習慣，而Honor X9a亦都非常貼心咁配備左1920Hz高頻PWM調光技術。令到屏幕嘅頻閃率更高，喺低亮度嘅環境下都有保護眼睛嘅作用。同時兼具屏幕120Hz更新率同埋1920Hz高頻PWM調光技術呢兩個功能嘅手機，市面上真係比較少見，所以Honor X9a喺屏幕方面真係交足功課架！
講左咁耐屏幕，相機方面又點樣呢? Honor X9a配備左三種鏡頭，分別係6400萬像素嘅主鏡頭，500萬像素嘅廣角鏡頭、200萬像素嘅微距攝影鏡頭，等我試哂呢三種鏡頭嘅效果比大家睇睇先。以Honor X9a嘅定位黎睇，可以兼備微距拍攝同廣角鏡頭，影出黎嘅相以日常生活黎講，我又覺得收貨喎。唔好睇Honor X9a細細部，機身又輕，其實佢配備左5100mAH嘅大電池，官方資料顯示可以滿足到用戶兩日嘅日常使用架，而且充電半個鍾，就可以睇12.5個鐘嘅Video添。
Honor X9a除左堅固嘅機身，無論喺屏幕、相機同埋電池續航力呢三方面都可以話係對得住佢嘅價位，好適合日常使用未必需要頂級性能，但追求高性價比嘅人士。Honor X9a有三種顏色、分別係 幻彩銀 , 墨玉青 , 幻夜黑，儲存空間就有256GB，官方售價係$2699。
希望你地會鍾意我今次嘅介紹啊，記得Like同埋訂閱我嘅Facebook同埋Yotube Channel，今集講住左咁多先，Bye Bye~
其他集數
【Samsung Galaxy S23評測】5分鐘終極懶人包 超強兩億像素拍攝主鏡頭 夜間人像拍攝模式 丨三星Samung S23
唐樓村屋上網必備 唔洗穿牆拉線都享有5G既速度? 丨 5G SIM卡 上網慢的救星 OPPO 5G CPE T2 路由器
隨時隨地夜拍街拍無難度 中階機夜拍最佳選擇｜兼具兩種夜拍模式+OIS 光學防手震功能 Nokia X30 5G
裸機派首選 深度二次強化玻璃超高強度屏幕｜手機防護及高性價比兼備 HONOR X9a
Unitek Cooling Dock Pro for Steam Deck | 香港品牌外接機座 業界領先散熱系統 | Z世代達人
小米 12T Pro | 兩億像素鏡頭 媲美專業級相機 | Z世代達人
Playstaion《God Of War Ragnarök》戰神系列新作發售紀念活動｜Tyson Yoshi、Hillary、邱福龍 出席香港發售紀念活動
BOOSTER 2022 秋季健康新選擇 | 多款新品助你拒絕變胖
