播出日期:7/8/2023
上星期體驗會上面就同大家初步試玩過兩部新摺機，今日Z世代達人新機到手就等Alfred同大家一齊試真啲今次Samsung Galaxy Z Fold5有咩新升級啦！
首先當然就當然要睇睇Z Fold 5摺疊後係唔係真係做到零空隙，同埋摺痕更淺嘅效果先 。畫面可以見到，Z Fold 5 摺疊之後，屏幕與屏幕之間已經做到非常貼合，但近距離仔細一睇，其實都仲會有些微嘅空隙喺到。但我覺得相比上一代Z Fold 4摺疊後有明顯空隙嘅情況黎睇，今次嘅第5代可以話係有好大嘅進步。之後就到摺痕方面啦，由於Z Fold 5採用咗雙軌結構鉸位設計，Z Fold 5嘅摺痕已經變到好淺。甚至開著咗屏幕之後，摺痕可以話係幾乎消失埋添。而且因為Z Fold 5採用咗全新技術嘅鉸位設計，我覺得摺疊屏幕嘅動作變得更流暢，唔需要好大力，已經可以摺疊到部手機啦。
Z Fold 5拎上手感覺亦都無上一代咁重，重量已經非常接近普通既手機，之後睇睇Z Fold 5嘅屏幕啦，Z Fold 5今次採用咗Dynamic AMOLED 2X 主屏幕以及6.2吋 ，全機身同時都支援IPX8防水級別
今次Z Fold 5嘅處理核心就會採用Snapdragon 8 Gen 2 Mobile Plafform for Galaxy，等我又用跑分軟件，睇下佢可以跑到幾多分先。跑出黎嘅分數真係達到旗鑑級手機嘅水平。手機性能方面，講到摺機就不得不提佢嘅多工功能，今次Z Fold 5有呢粒Snapdragon 8 Gen 2 for Galaxy八核心處理器加持底下，Z Fold 5嘅多工處理整體感覺都好流暢，無論係一邊睇片、一邊打機，或者同時開啟三個應用程式出黎，通通都無問題啊。而且喺打機方面，因為Z Fold 5嘅超大屏幕關係，打機嘅爽快程度真係同普通手機完全無得比，亦都因為Z Fold 5超強嘅性能，遊戲喺畫質設定為高嘅情況下，無論喺原野大地圖行走或戰鬥畫面，FPS都好穩定，整體感覺非常流暢。
最後到咗相機方面，Z Fold 5會設有一組5000萬像素嘅主鏡頭、1200萬像素嘅超廣角鏡頭，1000萬像素遠攝鏡頭，以及1000萬像素嘅機面鏡頭。等我又試下Z Fold 5嘅相機表現又係點先~Z Fold 5主鏡頭影出黎既相，效果都唔錯，相片嘅細節保留度，顏色處理及雜訊處理都有唔錯嘅表現，以摺機嘅相機鏡頭都可以影到咁嘅水準相片嘅話，我就絕對收貨啦。
今次嘅Z Fold 5設有三種顏色，分別係冰川藍，霧光黑以及雲朵白，會有三種版本比大家選擇，分別係12GB RAM + 256 ROM , 12GB RAM + 512 GB ROM 以及 12GB RAM + 1TB ROM，價錢分別係HKD $13598 , HKD$ 14598 , HKD 16598$。有興趣嘅朋友可以到Samsung官方網站了解詳情~希望您鍾意我今次嘅介紹啊，記得Subscript meeeepmore嘅Facebook專頁，同Youtube頻道。同埋Alfred Mak嘅Facebook專頁，今集講住咁多先，ByeBye~
其他集數
【TP-Link BE65評測】 Wi-F7新時代降臨 丨 超強性能路由器 丨 超高速度低延遲 丨Multilink-operation 丨6 GHz 頻段 丨TP-Link BE65
【Redmi Pad SE評測】開學學生哥平板電腦首選 丨超高CP值平板電腦 丨高續航力平板電腦 丨一千蚊有找 丨Redmi Pad SE
【Galaxy Z Flip5 評測】超實用機面屏幕 丨外形時尚精巧 易於攜帶 丨 3.4
【Galaxy Z Fold 評測】摺機界皇者降臨 丨超強性能 零隙縫丨雙軌結構鉸位 丨Samung Galaxy Z Fold 5
【Samsung Galaxy Z Series 搶先初體驗】公開展出Galaxy Z Fold5 & Galaxy Z Flip5 丨雙軌結構鉸位丨 Galaxy Z Series 限定夏日體驗館
【Reno10 Pro+評測】令人嘆為觀止的遠攝鏡頭 丨媲美旗鑑機的攝影能力 丨高CP值中階電話 丨Reno 10 系列 丨OPPO Reno 10 Pro+ 5G
【Samsung發佈會懶人包】三分鍾極速懶人包 丨三大搶眼升級 丨最新水滴型鉸鏈技術 丨Samung Galaxy Z Flip 5 Galaxy Z Fold 5
【Nothing Phone 2 評測】科技感爆棚 丨外觀性能兩兼顧 丨Glyph LED 燈 丨Nothing Phone系列 丨Nothing Phone 2
