Z世代達人

播出日期:15/3/2019

八達通近來又有新搞作,推出左 O! ePay 白金MasterCard,方便大家喺網上用Mastercard 消費咁話喎,咁究竟點申請同有乜着數?今日同大家睇吓。

只要你有用緊 O! ePay 手機應用程式,要申請呢張咭一啲都唔複雜。首先打開八達通手機應用程式,之後揀 O! ePay Mastercard,跟住揀立即申請,睇埋同同意埋啲條款,搞掂!張卡仲即刻用得添!

不過要留意嘅係O! ePay Mastercard 只係一張虛擬信用卡,暫時唔可以將佢加入 Apple Pay、Google Pay 或者 Samsung Pay入面當實體卡用,換句話講呢張卡只可以喺網上消費用。呢張卡喺安全措施方面亦都落咗功夫。你只要在O! ePay 手機應用程式入邊都可以輕易設定呢張咭嘅最高消費額,加上佢係預付信用卡,你大可以用幾多先增值幾多,對於擔心網上安全嘅朋友來講,就可以放下心頭大石喇。

咁點解仲要申請呢?首先當然有優惠啦!頭20,000位用呢張咭累積消費滿$200,就可以獲得$50嘅回贈,變相即係打咗個七五折!另外,市面上大部份信用卡係海外嘅網上商店購物,都會收取海外簽帳費用,但係呢張卡在2019年12月31日之前,外幣交易同埋海外消費都唔會收任何手續費架!

Z世代達人
麥卓華

追蹤我們
公司殊榮
Copyright Claims
Copyright Claims