播出日期:9/9/2020
小米旗下品牌 POCO 喺 2020年9月7日發佈咗最新中階手機 POCO X3 NFC，我哋即刻同大家介紹下！
POCO X3 NFC 主打實用，對打機以至一般日常使用都有針對性嘅突破技術。手機配置咗高通Snapdragon 732G處理器，比其他中階機使用嘅720G同730G咁快更順。外型亦相當獨特，斜橫紋底加上反光POCO字樣，配合 3D curved back 圓邊設計，拎住手機嘅手感就更好喇。手機支援NFC，可配合Google Pay使用，亦保留咗3.5mm耳機插頭，同埋內置紅外線收發器。
POCO X3 NFC 採用咗 6.67” FHD+ 嘅DotDisplay屏幕，前置相機只有3.8mm直徑，官方形容「近乎見唔到」，整體屏佔比達到91.25%。唔只咁喎，POCO X3 NFC亦支援一般只有旗艦機先有嘅120Hz更新率，而且仲會需要自動調整更新率，玩Game嘅視覺效果得到提升嘅同時，亦唔怕會嘥電。另外，POCO X3 NFC亦引入240Hz嘅屏幕觸控更新率，比大部份手機嘅120Hz高，Touch Screen時延更低，睇吓玩呢個賽車Game，起步快咗，當然星人一籌啦！
講起打機，POCO X3 NFC 亦加入Voice Changer功能，一路玩，一路講，都未必需要俾人聽到你嘅原聲！ 另外，Network Optimizer 就可以幫你喺 4G 同埋 Wi-Fi網絡選擇最穩定嘅嚟使用，盡量減低打Online Game時窒吓窒吓嘅情況。
會用手機打機或者重度用家，最怕就係部機用用下發熱喇。POCO X3 NFC 內置咗 LiquidCool Tech 1.0 Plus技術，可以幫手機有效降溫攝氏6度，確保運作順暢。POCO亦同電玩名牌Blackshark合作，推出咗兩款獨立發售降溫裝置，一分鐘內可以幫POCO X3 NFC 降低高達18度！
對於音效有要求嘅用家就要留意喇，今次POCO X3 NFC 採用咗雙喇叭設計，喺機頂同機底可以立體聲播放音效，打機甚至睇戲就更爽啦！唔講唔知喎，原來手機嘅喇叭都容易積塵嘅，POCO X3 NFC就預載咗Dust Blaster 喇叭除塵功能，只要開啟功能，睇吓！乜塵都出晒黎啦！
攝影方面，POCO X3 NFC配置咗4個機背主鏡頭，分別係6400萬像素嘅廣角主攝、1300萬像素119度嘅超廣角、200萬像素嘅微距以及200萬像素嘅景深鏡，其中6400萬像素嘅主鏡用上咗Sony IMX862元件，絕對係信心嘅保證啦！
攝影效果方面，POCO X3 NFC透過人工智能AI技術，加入咗全新嘅Gold Vibe 效果，AI SkyScaping技術就可以將日頭影嘅房外相變成夜晚，甚至睇埋北極光都仲得！ 咦，好像假咗少少喎！ 拍片方面，除咗有Video Pro Mode之外，亦加入咗萬花筒模式，隨手影幾下，都做到電視台給嘅效果㗎！
POCO X3 NFC 內置5160mAh電力，官方表示足夠2日正常使用，亦支援33W有線快充，65分鐘充可以由無電充到100%，隨機送埋快充插頭，而且加入咗 Middle Middle Tab MMT 充電技術，以雙電流主導，減低電阻影響充電嘅速度，無論喺低電量定高電量嘅情況下充電速度都唔會有太大分別。
官方亦都表示，將有3年軟體更新保證，唔怕一兩年貨仔就無得再Update。POCO X3 NFC有灰色同籃色兩個選擇，內置6GB記憶體配合64GB或128GB嘅儲存空間。發佈會公布首輪售價分別為199同埋249歐羅。香港64GB版本首輪優惠價係HK$1699，馬來西亞方面就會以RM799 及 RM949 發售64GB及128GB版本。
其他集數
智能耳挖開箱！即睇耳道有幾污糟 BEBIRD T5 Pro 蜂鳥採耳
Apple Watch Family Setup 家人共享！獨立運作，有號碼可通話
iPad Air 2020 / iPad Air 4 登場！ 3分鐘懶人包
POCO X3 NFC - HK$1800 強勁中階機皇
iPhone 秘藏實用 Widgets推介！唔除口罩拎起手機計數無難度！
兩部手機同時登入一個 WhatsApp 有方法！iPhone Android 一樣得！
全港最平 Wi-Fi 6 三頻路由器 Linksys Velop mx4050 開箱評測！
$78月費 5GB變8GB！3分鐘睇晒抵用4G 21mbps 月費計劃！
