播出日期:18/9/2020
Apple Watch Series 6 及 Apple Watch SE 剛發布，Apple就帶來了全新的Family Setup！watchos 7 配合 1010 / csl 點設定呢？
Apple 喺香港時間 9 月 16 日零晨既發佈會入面，除咗發佈咗 Apple Watch Series 6 同 Apple Watch SE 之外，仲公佈咗 WatchOS 7 一樣新既功能 Family Setup 家人共享設定，官方仲話呢個功能特別啱小朋友用，今日就同大家睇下有咩特別啦！
以前每隻 Apple Watch 都要同一部 iPhone 配對先可以用到，但係而家用上咗全新既 Family Setup 之後，可以用你部 iPhone 去幫淨係得 Apple Watch 既屋企人設定隻錶。換句話講，屋企人就算冇 iPhone，都可以用到 Apple Watch，而 Apple Watch 就可以獨立運作，咁就更加方便啦！
用 Family Setup 設定嘅 Apple Watch，有一個獨立嘅手提號碼，方便通話同 Send 短訊，用一隻 Apple Watch 就可以獨立運作
另外，通過 Family Setup 嘅設定，你可以實時知道穿戴者嘅位置，連佢有冇做運動，都可以知埋
另外，家長亦都可以去控制隻錶裏面有邊一個聯絡人，同埋下載邊啲 app，都可由你全權掌握，咁就唔怕小朋友學壞啦。你仲可以透過上課時間模式，喺佢地上緊堂嘅時侯，限制 Apple Watch 裏面某D功能，令到佢地坐定定專心上堂。
Family Setup 仲有 D 得意好玩嘅功能，好似 Memoji App，比屋企人自訂自己嘅 Memoji，然後可以分享比朋友，咁就有趣呢得多。
根據官方嘅資料，暫時 Family Setup 兼容嘅型號，除咗新推出嘅 Apple Watch Series 6 同 Apple Watch SE 嘅 cellular + GPS 版本之外，仲有 Series 4 同 Series 5 嘅 cellular + GPS 版本，而 WatchOS7 已經喺 16 號推出咗，大家可以試下喎！
官方公佈香港暫時只有 CSL 同 1010 有提供 Family Setup 服務，只要打開Watch應用程式作配對，輸入你嘅CSL/1010 流動電話號碼同埋密碼，揀番家人共享設定，揀埋號碼，咁就ok喇！呢個服務每月收費係$28，共用主卡嘅通話分鐘同埋流動數據，csl/1010方面亦有提到，獨立Plan嘅用戶最多可以登記5個家人共享服務，而家庭Plan嘅用戶，連埋你個plan嘅副SIM卡，每個通話組合最多可以有10個號碼。而香港其他供應商嘅用戶就要再等一等喇。
其他集數
CSL全新儲值卡系列 月費$38 無限數據 再送500分鐘 漫遊數據$48用足成個旅程！
iOS14 Widgets 有乜推薦？用開 Gmail 同 Chrome 不可不知嘅設定全公開！
智能耳挖開箱！即睇耳道有幾污糟 BEBIRD T5 Pro 蜂鳥採耳
Apple Watch Family Setup 家人共享！獨立運作，有號碼可通話
iPad Air 2020 / iPad Air 4 登場！ 3分鐘懶人包
POCO X3 NFC - HK$1800 強勁中階機皇
iPhone 秘藏實用 Widgets推介！唔除口罩拎起手機計數無難度！
兩部手機同時登入一個 WhatsApp 有方法！iPhone Android 一樣得！
