播出日期:24/9/2020
智能耳挖 BEBIRD T5 Pro 蜂鳥採耳
采耳，或者撩耳屎，一直都係靠感覺，有時都會覺得有啲危險。喺呢個乜都智能嘅年代，撩耳屎又可以點智能呢？
今日要同大家介紹呢款 BEBIRD 蜂鳥采耳。呢支智能耳挖比一般耳挖粗身，底部有一個 Micro USB 充電插頭，預裝咗矽膠「Q彈」耳勺，另外喺耳挖頭同埋另一個樽入面附上8支硬嘅耳勺替換。
可以撩耳屎之前，首先要幫呢支耳挖充電。另外，我就喺手機下載埋「蜂鳥採耳」App。充好電之後，按指示長按耳挖嘅Power掣1秒以上，跟住去手機嘅Wi-Fi設定，連接落「Bebird」呢個Wi-Fi，跟住就連接完成！
跟住我用消毒酒精紙消毒耳挖，跟住就可以開始撩耳屎喇！感覺同一般耳挖分別不大，不過一放入去，就睇到自己耳道入面都有幾多耳屎，慢慢整鬆佢，一面睇，一面挖，得咗......
如果想影低耳道入面嘅情況，App入面都有拍照同拍片嘅功能！
雖然宜家咁方便，但係如果你耳仔唔舒服，其實都應該搵註冊醫生睇吓乜嘢事，今日講住咁多先啦！
其他集數
Mo SIM 出招打Birdie自由鳥 副線品牌抵唔抵？
CSL全新儲值卡系列 月費$38 無限數據 再送500分鐘 漫遊數據$48用足成個旅程！
iOS14 Widgets 有乜推薦？用開 Gmail 同 Chrome 不可不知嘅設定全公開！
智能耳挖開箱！即睇耳道有幾污糟 BEBIRD T5 Pro 蜂鳥採耳
Apple Watch Family Setup 家人共享！獨立運作，有號碼可通話
iPad Air 2020 / iPad Air 4 登場！ 3分鐘懶人包
POCO X3 NFC - HK$1800 強勁中階機皇
iPhone 秘藏實用 Widgets推介！唔除口罩拎起手機計數無難度！
