生活部落格

播出日期:5/10/2020

羽衣甘藍果汁 Kale Juice - 有「超級食物」之稱嘅羽衣甘藍近年大受歡迎,因為佢可以增強身體免疫力、減少患上心血管疾病嘅機會更加可以減低患癌機會添!羽衣甘藍食譜 - 排毒果汁 今日就教大家整羽衣甘藍排毒青汁,幫各位排走身體裏面啲毒素!人都健康啲!呢款蔬菜汁做法亦相當簡單,一齊睇吓點整啦! Detox

首先睇吓材料先

羽衣甘藍葉  5 片
青瓜  2 條
西芹  1 條
蘋果  1 個
檸檬汁  適量

羽衣甘藍同西芹都係營養十分豐富嘅食材,羽衣甘藍含有豐富嘅維他命A、C、同鉀質,有助降血壓,保護眼睛健康,仲可以幫助中和身體裏面過多嘅鹽份。記住,由於 羽衣甘藍 含有可溶性纖維,盡量唔好浸,我哋可以用水清洗,跟住切成一段段,待用。

另外,西芹含有豐富嘅磷,有助預防失眠、保護血管同防癌抗癌。可以好我咁將西芹洗淨,之後切粒,待用。另外青瓜、蘋果洗淨,蘋果切皮,之後切粒,待用。

跟住我哋加埋含有豐富維他命C嘅檸檬,增強抵抗力。我哋只需要檸檬汁就可以啦,可以好似我咁榨少少檸檬汁出來待用。

跟住將所有材料放入攪拌機,加入清水,攪大約5-10秒就即可,留意如果用家庭用嘅 500ML 攪拌機,今日介紹嘅份量可以打3至4次,大約1600-1800毫升左右。不過要留意,如果你有血壓低嘅情況,就避免飲用喇!

追蹤我們
公司殊榮
Copyright Claims
Copyright Claims