播出日期:15/9/2021
Apple 蘋果喺香港時間2021年9月15日零晨 #2021Apple蘋果發表會 發佈左全新嘅 iPhone 13 系列手機，包括 iPhone 13 Mini、 iPhone 13、#iPhone13Pro 以及 iPhone 13 Pro Max，即刻同大家睇吓！#iPhone13懶人包
今年 iPhone13系列嘅四個型號手機嘅屏幕尺寸同iPhone 12系列相同，分別係 iPhone13 Mini嘅 5.4 寸、iPhone13 同 iPhone13 Pro嘅 6.1寸以及 iPhone13 Pro Max 嘅6.7寸。屏幕上方嘅瀏海位一如傳聞收窄咗，比上代iPhone窄大約20%，雖然如此，睇返數據反而比 iPhone 12 嘅劉海位高咗0.1mm。全線iPhone 13配備左全新嘅 A15 5nm 製程處理器，Pro同 Pro Max系列亦加入咗5核心嘅GPU，就算處理複雜嘅圖像及運算時，亦能保持出色嘅表現。
iPhone13 Pro 同埋 ProMax 嘅屏幕終於支援最高120Hz嘅更新率，官方叫做 Super Retina XDR with ProMotion，根據屏幕嘅內容，喺10Hz到120Hz當中調整更新率，屏幕亮度亦比上一代更光。
相機方面，iPhone13 Mini 同 iPhone13 維持一個超廣角加一個標準廣角鏡頭嘅雙鏡頭設計，不過兩個鏡頭嘅擺位就稍微調整，由靠左變成對角。而Pro 同 ProMax系列就維持長焦佢、廣角以及超廣角三鏡頭設計，鏡頭數目上並無驚喜。不過由於Apple喺鏡頭上做咗升級，官方表示，夜拍時嘅光度最高可以提升47%，Pro同ProMax系列喺使用廣角同埋超廣角時，分別攝取多2.2倍同92%嘅光線，相信夜拍嘅表現會比現時iPhone12 系列做得更好。另外，iPhone 13 Pro 同 ProMax 亦支援最高3倍嘅光學變焦，不過iPhone 13同埋iPhone 13 Mini並未加入長焦距光學變焦功能。
全新嘅Cinematic影片拍攝模式亦都係今次發佈會嘅重點之一。手機可以透過AI人工智能更改甚至轉換對焦點，更加可以喺完成拍攝後再行更改，無論新手定係專業玩家都一樣可以拍攝出電影級嘅效果。
全新嘅iPhone 13系列喺電量方面亦有顯著嘅提升。iPhone 13 Mini 同 iPhone 13 嘅電池使用時間分別比上一代增加個半鐘同兩個半鐘。iPhone 13 Pro 同埋 iPhone 13 Pro Max 亦分別提升1.5同埋2.5小時，官方更加形容，iPhone 13 Pro Max 配備iPhone歷來最持久嘅電池使用時間，實際效果係點， 就要上手先知喇！
全系列嘅iPhone 13支援5G高速上網、Wi-Fi 6同埋藍牙5.0連接，香港地區買嘅iPhone13、iPhone 13 Pro 同埋 iPhone 13 Pro Max 支援兩張實體Sim卡雙卡雙待功能，而iPhone 13 Mini就支援1張實體加1張eSim或雙eSim嘅雙咭功能。容量方面，iPhone 13全線系列提供 128GB、256GB以及512GB選擇，而iPhone 13 Pro 同埋 iPhone 13 Pro Max 系列就有埋超大嘅1TB容量選擇。iPhone13 Mini、iPhone 13、iPhone 13 Pro同埋 iPhone 13 Pro Max 賣價分別係 $5999、$6799、$8499以及$9399起，9月17日晚開始接受預訂， 9月24號正式發售。
其他集數
香港5G真無限Plan $263月費點上台？5G競爭白熱化！
24小時寄掛號信、寄包裹無難度！即試香港郵政「智郵寄 」iPostal Kiosk！
Nokia C20 開箱評測 $798 大螢幕+全新 Android Go 三卡插槽 雙卡雙待
速睇 iPhone 13 / iPhone 13 Pro @ 2021Apple蘋果發表會
WhatsApp無手機 同時連接4裝置 即日登場！ 香港率先試！
Nokia G20 開箱評測 | 入門級仲有四個鏡頭 唔駛$1800
POCO X3 GT 開箱評測 | HK$2399 支援雙5G連線 + Wi-Fi 6
華為 P50 Pro | 萬象雙圓環 Leica 相機 2款處理器+3款儲存空間 任君選擇
